ባስቀመጥከኝ ቦታ
Basqemetkegn Bota
ትራክ 2 · 3:53 · አማርኛ
ቁጥር 1 · Verse 1
ገነት መኖሪያዬን ሰርተህ ውብ አድርገህ
ምግቤን ያለ ድካም እንድበላ ብለህ
ያስቀመጥክኝን ሰው ወሬ ሲደልለኝ
እጦት ሲያራቁተኝ በቸልታ አትየኝ
አዝማች · Chorus
ባስቀመጥከኝ ቦታ ፀንቼ እንድቆይ
መጥተህ ስትጐበኘኝ በእኔ ደስ እንዲልህ
ፀጋህን አብዛልኝ ጌታ ሆይ እባክህ
ቁጥር 2 · Verse 2
ልቤ እየቸኮለ እግሬ ሮጥ እያለ
ውርደትን ለማየት ዓይኔ እየከጀለ
ድንበር እየጣሰ ከኃጢአት እየዋለ
የማታ የማታም ሚዛኔ ቀለለ
አዝማች · Chorus
ባስቀመጥከኝ ቦታ ፀንቼ እንድቆይ
መጥተህ ስትጐበኘኝ በእኔ ደስ እንዲልህ
ፀጋህን አብዛልኝ ጌታ ሆይ እባክህ
ቁጥር 3 · Verse 3
የጭንጫ ቡቃያ ፈጥኖ የበቀለ
ፀሐይ ስትወጣ ነዶ ተቃጠለ
አንተን ሆኜ : እኔ ፍሬን እንዳፈራ
አንስተህ አትጣለኝ የእኔ ጌታ አደራ
አዝማች · Chorus
ባስቀመጥከኝ ቦታ ፀንቼ እንድቆይ
መጥተህ ስትጐበኘኝ በእኔ ደስ እንዲልህ
ፀጋህን አብዛልኝ ጌታ ሆይ እባክህ
ቁጥር 4 · Verse 4
ቸኮል ያለ ሳዖል በዓይኖችህ ተንቆ
ብላቴናው ዳዊት ተቀብቷል ልቆ
ዓይኔን ግለጥና ስፍራዬ ልወቀው
አሳድገኝ እንጂ ዕድሜዬን አትቁረጠው
አዝማች · Chorus
ባስቀመጥከኝ ቦታ ፀንቼ እንድቆይ
መጥተህ ስትጐበኘኝ በእኔ ደስ እንዲልህ
ፀጋህን አብዛልኝ ጌታ ሆይ እባክህ
ምንጭ፦ ግጥሙ በ WikiMezmur ማኅበረሰብ የተገለበጠ ነው። የግጥሙ መብት የደራሲው ነው — የመብት ጥያቄ