እግዚአብሔር ትክክል
Egziabher Tikikil
አማርኛ
ቁጥር 1 · Verse 1
ጻድቅ ነህ በሥራህ አትሳሳትም
እንዲህ አድርግ አትባልም
በዚህ ዓለም ገና ምንም ሳይኖር
ቅድሞም ያውቀኛል ሳልፈጠር
ህይወቴን ሁሉ ያውቀዋል ጌታ
ምን እንደሚሆን ምን እንዲመጣ
የማይሆነውም አይሆንምና
ሚሆንው ሊሆን ግድ ነውና
የስንፍና ቃል ከአፌ አይወጣ
አዝማች · Chorus
ይህን ነው ምለው ጻድቅ ነው ጌታ
እግዚአብሔር ትክክል (፫X) ነህ አንተ
በሥራህ ጻድቅ ነህ
ማን እንዲህ እንዲያ አድርግ ይልሃል
ማንስ አስተያየት ይሰጥሃል
ሁሉም በፈቃድህ ታደርጋለህ
እግዚአብሔር አንተ ጻድቅ ነህ
ቁጥር 2 · Verse 2
ጻድቅ ነህ በሥራህ አትሳሳትም
እንዲህ አድርግ አትባልም
የለመንኩህን የጠየቅኩህን
አርግልኝ ቢዬ ሙጥኝ ያልኩህን
አይሆንም ብለ ስትከለክልኝ
ልቤም ሲከፋ አልገባ ሲልኝ
አባት ለልጁ እንደሚራራ
የሚረባኝ ታውቃለህና
ይህ ነው ትክክል አንተ ያልከው
ሃሳብህ ይሁን የፈቀድከው
አዝማች · Chorus
እግዚአብሔር ትክክል (፫X) ነህ አንተ
በሥራህ ጻድቅ ነህ
ማን እንዲህ እንዲያ አድርግ ይልሃል
ማንስ አስተያየት ይሰጥሃል
ሁሉም በፈቃድህ ታደርጋለህ
እግዚአብሔር አንተ ጻድቅ ነህ
ቁጥር 3 · Verse 3
በቃሽ ነፍሴ ሆይ ስሚኝ
በእግዚአብሔር ታመኚ
ሁሌ ትክክል ነው እርሱ
ጻድቅ ነው ንጉሱ
ምንጭ፦ ግጥሙ በ WikiMezmur ማኅበረሰብ የተገለበጠ ነው። የግጥሙ መብት የደራሲው ነው — የመብት ጥያቄ