አንተ ግን ያው አንተ ነህ
Ante Gin Yaw Ante Neh
2003 · ትራክ 3 · 6:43 · አማርኛ
አዝማች · Chorus
አንተ ግን ያው አንተ ነህ 2x
ቁጥር 1 · Verse 1
ፍቅር ከበረዶ ቀዝቅዞ ወንድም ወንድሙን ሲርቀው
አዳራሽዋ ፈርሶ ትህትና ትዕቢት መዝጊያዋን ሲያወልቀው
ፅድቅህ ከወለል ላይ ወድቆ በሀጥያት ጫማ ቢረገጥ
ሀሰት ዙፋን ዘርግቶ በ እውነቶች ሲላገጥ
ግዛትህ አያበቃም ወሰንህ አይለካም
ሁሉን አሳልፈህ ዘላለም ትኖራለህ
አዝማች · Chorus
አንተ ግን ያው አንተ ነህ 2x
ቁጥር 2 · Verse 2
ባለጠጋ ነኝ ብሎ ቤቱን ከሰማይ ጥግ ቢሰራ
ደረጃ መሰላሉ በዝቶ ቢወጣ ላይኛው ተራራ
በገመድ ተጎትቶ ሲወርድ አዳራሹ ስትፈርስ መመኪያው
አንተ ግን ፀንተህ ትኖራለህ የሰው ልጅ ሚዛኑ መለኪያው
ግዛትህ አያበቃም ወሰንህ አይለካም
ሁሉን አሳልፈህ ዘላለም ትኖራለህ
አዝማች · Chorus
አንተ ግን ያው አንተ ነህ 2x
ቁጥር 3 · Verse 3
ድሀ ከፋንድያ ተነስቶ በክብር ስፍራ ላይ ቢቀመጥ
ቃሉ እንደ ንጉስ ቃል ሆኖ በሸንጎ ስብሰባ ቢደመጥ
ሰው ከነበረበት ጨለማ በወንጌል ብርሃን ሲላቀቅ
በደለኛ መሆኑ ገብቶት ተፀፅቶ ካንተ ሲታረቅ
ግዛትህ አያበቃም ወሰንህ አይለካም
ሁሉን አሳልፈህ ዘላለም ትኖራለህ
አዝማች · Chorus
አንተ ግን ያው አንተ ነህ 2x
ቁጥር 4 · Verse 4
ተውልድ ይሄዳል ይመጣል ነገስታትም ይፈልሳሉ
የማለዳዋቹ ተረስተው አፋላዎች ይወደሳሉ
አሀዱ የለህ ማክተሚያ አመታትህም አያልቅም
ዘላለም ከብረህ ትኖራለህ
ፍጥረታት ቢያውቁህ ባያውቁህ
ምንጭ፦ ግጥሙ በ WikiMezmur ማኅበረሰብ የተገለበጠ ነው። የግጥሙ መብት የደራሲው ነው — የመብት ጥያቄ