እንዴት ድንቅ አምላክ ነው
Endiet Denq Amlak New
ትራክ 3 · 6:28 · አማርኛ
ቁጥር 1 · Verse 1
የደን ልማቱ የገደል ስርገቱ
የወንዝ ርዝመቱ የቀላይ ውበቱ
የቆንጆ ገፅታው የቦታ ከፍታው
የባህር ጥልቀቱ የሜዳ ስፋቱ
እኛ የምናመልከው መሠረቱ
አዝማች · Chorus
እንዴት ድንቅ አምላክ ነው እኛ የምናመልከው
እንደምን ኃያል ነው እኛ ምንሰግድለት
የኃይል ሁሉ ጉልበት የፍጥረት መሠረት
ቁጥር 2 · Verse 2
የሽቶ መዓዛው የሙዚቃ ቃናው
የለምለም እርካታ የመዝናኛ ቦታ
የመፋቀር ወዙ የትዳር ማገዙ
የፍጥረት ድምቀቱ የሰማይ ርቀቱ
እኛ የምናመልከው መሠረቱ
አዝማች · Chorus
የአበቦች ፍካታ የወፎች ጫጫታ
የቀለም መዋሃድ የሰው ልጅ መዋደድ
የዕምንነተ እርካታ ሰላምና ደስታ
የፅዮን ውበቱ የእውነት ጥራቱ
እኛ የምናመልከው መሠረቱ
ቁጥር 3 · Verse 3
ጎህ ሲቀድ ማለዳ ጨለማ ሲከዳ
የፀሐዩ ሙቀት የከዋክብት ብዛት
የደመናት ክምር ንጹህ ተስማሚ አየር
ሁሉን በስርዓቱ መሪ ለፍጥረቱ
እኛ የምናመልከው መሠረቱ
ምንጭ፦ ግጥሙ በ WikiMezmur ማኅበረሰብ የተገለበጠ ነው። የግጥሙ መብት የደራሲው ነው — የመብት ጥያቄ