ለምኜው ዘግቼ በሬን
Lemegniew Zegechie Berien
ትራክ 5 · 9:08 · አማርኛ
ቁጥር 1 · Verse 1
ለምኜው ዘግቼ በሬን አደለኝ ሳለሁ ብቻዬን
ምስጢሬን አውቆታልና ለስሙ ይድረስ ምስጋና (2)
በልቤ ጓዳ ተዘግቶ ወቅትም ሲለወጥ አያረጅ
የነፍሴ ጩኸት ቢያውከኝ ሸክሜን አራገፍኩ በርሱ ደጅ (3)
በጋና ክረምት አለፉ እኔም እዛው ነኝ ደጃፉ
ቆይቼ ደጅ ጠናሁት ዘምበል ብሎም አየሁት
ጉልበቴን አስገዛሁለት እጄን አነሳሁ ጓዳዬን
የልቤን መሻት ለግሰኝ ታምራት አድርግ ብዬ
በምስጢር እንደ ጠየኩት ሸሽጎ ሰጥቶኝ አየሁት
ይመስገን ስሙን ባረኩት
አዝማች · Chorus
የእምነቴን ጎዶሎ ጽዋ በቸርነቱ አትረፍርፎ
የሚንገዳገድ ተስፋዬን በብርቱ ክንዱ ደግፎ
የምስኪን ጥሪ ተሰምቶት ዳሰሰኝ ከሰማይ መስኮት
ፈቃዱን ማን ሰው ከልክሎት
ቁጥር 2 · Verse 2
ጣሪያዬን ዘልቃ እንዳትሄድ ዲያቢሎስ ጸሎቴን ታግሎ
ዝናቡን ውርጩን አዘዘ ሃሩር ንዳዱን አክሎ
ጌታ ግን መብረቁን ጣለ ተገዳዳሪው የታለ
መናዬ ዘንቦልኝ ዋለ
የልብ አውቃ ምስጢረኛ የምስኪን ጽኑ ጓደኛ
አንዲት ቀን ጠርቼው ነበር ላዋየው የግሌን ነገር
ያሳቤን የውስጤን ምኞት ደጃፌን አየሁት ሞልቶት
ፈቃዱን ማንስ ከልክሎት
ምንጭ፦ ግጥሙ በ WikiMezmur ማኅበረሰብ የተገለበጠ ነው። የግጥሙ መብት የደራሲው ነው — የመብት ጥያቄ