ክብር ይሁንለት
Keber Yehunelet
1993 · ትራክ 6 · 4:48 · አማርኛ
ቁጥር 1 · Verse 1
አማኑኤል መጥቷል የፍቅር የሰላም
የአንድነት መሰረት ክብር ይሁንለት
አምላክ በሰው አድሮ በቅድስተ ድንግል
ከክብሩ ተዋርዶ ሊያነጻን ከበደል
የአንድነት መሰረት መድኃኒተዓለም
አዝማች · Chorus
ተወልዷል ከፍ ይበል እናውጅ ለዓለም (2)
ቁጥር 2 · Verse 2
የዳዊት ከተማ ቤተልሄሚቱ
በአንቺ የተወለደው ንጉሠ ነገሥቱ
ዛሬም በምድር ዙሪያ ይሰማል አዋጁ
በኃጢአት የተዘጋው እንዲከፈት ደጁ (2)
ቁጥር 3 · Verse 3
የሃጢአት ቀንበር ጫንቃችን ተጭኖት
ተስፋችን ጨልሞ ከቦን የሞት ፍርሃት
ጽድቅን አልባሻችን የደካሞች ጉልበት
የሱስ ተወለደ ክብር ይሁንለት (2)
ቁጥር 4 · Verse 4
በዝሙት በስካር በነፍስ ገዳይነት
በህመም በደዌ ታስራችሁ በሃጢአት
የተቸገራችሁ ጠፍቷችሁ መንገዱ
ወደ እየሱስ ኑና ዳግም ተወለዱ (2)
ምንጭ፦ ግጥሙ በ WikiMezmur ማኅበረሰብ የተገለበጠ ነው። የግጥሙ መብት የደራሲው ነው — የመብት ጥያቄ