ክብሬ ነህ
Kebrie Neh
2014 · ትራክ 2 · አማርኛ
ቁጥር 1 · Verse 1
ክብሬ ነህ
1- የጠላቴን ሳቅ ልትገታ
ከኔ ቤት ገባህ ጌታ
ከብዙ በሚሻል ፍሬ
ሳሙኤልን አወጣህ ከኔ
ታምነውህ እንደማታሳፍር
ውርደቴን ለውጠህ በክብር
አሳየህ ውድ ወዳጅነትህን
ዘንበል እንድትል ሚጠና ደጅህን
አዝማች · Chorus
ላመስግንህ፤ ላመስግንህ
ክብሬ ኢየሱስ አንተ ነህ
ቁጥር 2 · Verse 2
2- ቢመስልም የወይን ጠጅ ውጤት
መጮኼ ማንባቴ ቀን ከሌት
አንደበት አልፈህ ልብ የምታይ
አንተ ግን አደመጥከኝ ከላይ
ዘንበል አልክ ከዙፋንህ
አጠጣኸኝ ከመንፈስህ
መፅናናት አይደል ሽረት ነው
ለሀዘን ጭንቀቴ የሆነው
የማንም እንባ ባለእዳ አይደለህም
ንግግሬ ባንተ ዘንድ እንደቀልድ አይታይም
ትወርድልኛለህ ሰማይን ዝቅ አድርገህ
ያለቀስኩበትን/የቆዘምኩበትን ዘመኔን ልትክስ አስቀህ
አዝማች · Chorus
ላመስግንህ፤ ላመስግንህ
ክብሬ ኢየሱስ አንተ ነህ
ምንጭ፦ ግጥሙ በ WikiMezmur ማኅበረሰብ የተገለበጠ ነው። የግጥሙ መብት የደራሲው ነው — የመብት ጥያቄ