ልቤ ታመነብህ ጌታ

ቁጥር 1 · Verse 1

የተናገርከኝን ምንም ሳልጠረጥር

በምሽት ወጥቼ ከዋክብት ስቆጥር 2 X

አንድ እኔን ብቻዬን ነበር የጠራኸኝ

ቃልህ ተፈፀመ እንዲህ አበዛኸኝ

የተናገርከውን ያልከውን ፈፅመሃል

ጌታዬ ታማኝ ነህ ልቤ ይታመንሃል 2 X

ቁጥር 2 · Verse 2

ገና ሳልሰራ ስጋ አጥንት ሳይኖረኝ

አንተ ነህ እግዚአብሔር አስቀድምህ ያወከኝ 2 X

ባንተ የተፈጠሩ ቀኖቼ በሙሉ

በእጅህ ይዘሃቸዋል በመዝገብህ አሉ

ስለዚህ እጥላለሁ ሕይወቴን ባንተ እጅ

እኔ ለእኔ አላውቅም ፈጣሪዬ አንተ እንጂ 2 X

ቁጥር 3 · Verse 3

ከፊት እየቀደምክ በሳት በደመና አምድ

ሕይወቴን ስትመራ በማላውቀው መንገድ 2 X

ሰልፌን ተሰልፈህ መግበህ ሕይወቴን

እጅህን ከፍተኸልኝ ባርከኸዋል ቤቴን

ነፍሴ ታውቀዋለች ስራህ እጅግ ድንቅ ነው

በሕይወቴ ዘመን ባንተ እታመናለሁ 2 X