ራስህን አኗሪ
Rashn Anuari
ትራክ 1 · 7:28 · አማርኛ
ቁጥር 1 · Verse 1
እዉነት እዉነት ብቻ ምትናገረዉ
ከአንደበትህ ኋላ ሁሌ ምትሰራዉ
ሳይኖር ምታወራ ሳይነጋ ሌሊቱ
እራስክን አንዋሪ እግዚአብሔር ብርቱ
አዉርቶ ያልጨረሰህ የሚተርክህ
የሚገልፅህ ልክህ የሚያዉጅህ ቀኝህ
በአንተ ተመርጬ እኔም ወግ ደርሶኝ
በዘመን ላይ ጎበዝ ዘመናት ላይ ኃያል አንተን አየሁኝ
አዝማች · Chorus
(ያደራረግ ባለሙያ ያሰራር አዋቂ ያጠናሀል ወይ
የኔ አምላክ አዶናይ ×2
የኔ አምላክ ሁሉን ቻይ ×2) ×2
ቁጥር 2 · Verse 2
መሰረትህ ፅድቅና እዉነት አሃሃ እዉነት
ከእጅህ ጨረር ይወጣል እሳት ኦሆሆሆ እሳት
ደፍሮ ደና የሄደ ማነዉ? አሃሃሃ!ማነዉ?
ከረመ እንጂ በምህረት ያንተዉ አሃሃሃ ያንተዉ
ደረተ ወርቅ ራሰ በረዶ
ይደገፍሀል ዘላለም ወዶ
እንኳን አዉርተህ ዝም ብለህ
ፍጥረት ይርዳል ከግርማህ ፊትህ
ኩሩ ማዕበል እጅ ይነሳሀል
ተራራ ጨሶ አለህ ይልሀል
አዝማች · Chorus
(ነበረ አትባልም ×2
እግዚአብሔር ዘላለም ×2) ×2
እግዚአብሔር ዘላለም ×3
የኔ አምላክ ዘላለም
እግዚአብሔር ዘላለም ×4
ቁጥር 3 · Verse 3
የወንጌል ቁንጮ የሕይወት ሽታ
የእግዚአብሔር አብ የልብ ትርታ
ነቢያት ስላንተ የጮሁልህ
እኔ እኔ ነኝ ያልክ አንተ አንተ ነህ
የአለቅነት ጥግ የክብር ማማ
ይንበረከካል ዝናህን ሲሰማ
አትቀልብኝም ደጄ መተህ
ነብሴም አጥንቴም ይስገዱልህ
አዝማች · Chorus
(ስምክን ጠራሁት ዳንኩኝ
ምስጋናን ማለት ቻልኩኝ
አደላደልከኝ ከአንተ ጋር
በአባት ቀኝ እንዳልሰጋ)×2
ቁጥር 4 · Verse 4
ዋጋህ ስንት ነዉ ማን ይከፍልሀል
ለድርድርስ ማን ያቀርብሀል
ወደድከኝ እንጂ እኔን የሆንከዉ
ማንነትህንሰ ማንስ ደፈረዉ
ትልቁ እግዚአብሔር ከኔ ጋር ትንሽ
የቻለ አለ ወይ ስምክን ሊፈትሽ
ስለሞትክልኝ ከቶ አለምድህም
እፈራሀለሁ ስኖርልህ
አዝማች · Chorus
መሰረትህ ፅድቅና እዉነት አሃሃ እዉነት
ከእጅህ ጨረር ይወጣል እሳት ኦሆሆሆ እሳት
ደፍሮ ደና የሄደ ማነዉ? አሃሃሃ!ማነዉ?
ከረመ እንጂ በምህረት ያንተዉ አሃሃሃ ያንተዉ
አዝማች · Chorus
የዘላለም ነህ የዘላለም ×2
የምትገዛ ነህ የዘላለም ×2
የምትፈርድ ነህ የዘላለም ×2
የምትገዛ ነህ የዘላለም×2
ምንጭ፦ ግጥሙ በ WikiMezmur ማኅበረሰብ የተገለበጠ ነው። የግጥሙ መብት የደራሲው ነው — የመብት ጥያቄ