ይህ ጌታ የማይረታ
Yeh Gieta Yemayereta
ትራክ 11 · 4:31 · አማርኛ
ይህ ጌታ የማይረታ
ልጆቹን አይጥልም ላንድ አፍታ
ይህን አይተናልና
ለእግዚአብሔር ምስጋና 2
የእሳት ነበልባል ትንታግ ቢንቦለቦል
ዙሪያችን ቢከበን የጥፋት ማዕበል
እንደ ሲድራቅ ሚሳቅ እንደነ አብድናጎ
የሱስ ያወጣናል በእጁ ፈልጎ
በሰንሰለት ታስረው በወህኒ ሲጣሉ
ሰማያዊ መዝሙር እያዜሙ ሳሉ
የእስር ቤት መሠረት ያነቃነቀው ኃይል
ዛሬም በዚህ ዘመን ሲሰራ አይተናል
ዳዊት ከጠላቱ በጦር ሜዳ ቆሞ
ጎልያድ ሲያቅራራ በወንጭፉ ቀድሞ
አምላኩ እግዚአብሔርን በስሙ ጠራና
በጠጠር ግምባሩን ጣለው በተነና
በወንጌል ዘመቻ በመንፈስ መርምሮ
የአጋንንትን ምሽግ በክንዱ ሰባብሮ
የመረጣቸውን በፍጹም የማይጥል
ዛሬም ሳይረታ እግዚአብሔር ይዋጋል
ምንጭ፦ ግጥሙ በ WikiMezmur ማኅበረሰብ የተገለበጠ ነው። የግጥሙ መብት የደራሲው ነው — የመብት ጥያቄ