ትጐበኛለህ አንተ
Tegobegnaleh Ante
ትራክ 8 · 4:32 · አማርኛ
ቁጥር 1 · Verse 1
ትጎበኛለህ አንተም (2) ትጎበኛለህ
የማይለወጠው ጌታ ፍቅሩ ላንተም
እጅግ ልዩ ነው
ቃል ኪዳን የገባልህ በእጆቹ መዳፍ ቀርጾህ
ከቶውን አይረሳህም ለጠላት አይሰጥህም
ታማኝነቱ ብዙ አይለወጥም እርሱ (2)
አዝማች · Chorus
ሃና ልጅ በማጣቷ ተገፋች በጣኡንቷ
ለቅሶዋን ጌታ ሰምቶ ተመለከታት እራርቶ
አንቺንም ሊጎበኝሽ ታማኝ ነው ጌታ አምላክሽ (2)
ቁጥር 2 · Verse 2
ሰላሳ ስምንት ዓመት ተቆራኝቶት ሽባነት
ተስፋውን ለቆረጠው የሱስ ነው የደረሰው
ዛሬም ጌታ ለአንተም ፍቅሩ አይለወጥም (2)
አዝማች · Chorus
በአይን ያልታየውን በጆሮ ያልተሰማውን
ያልታሰበ በሰው ልብ የሆነ ድንቅና ውብ
ያን ነው ያዘጋጀልህ ጌታ ስለሚወድህ (2)
ምንጭ፦ ግጥሙ በ WikiMezmur ማኅበረሰብ የተገለበጠ ነው። የግጥሙ መብት የደራሲው ነው — የመብት ጥያቄ