የሕይወቴ መስራች
Yehiwote Mesrach
ትራክ 1 · 6:16 · አማርኛ
ቁጥር 1 · Verse 1
ግማሹን ለጌታ ግማሹን ለእኔ አልልህ
ሕይወቴን በሙሉ ሰጠሁህ ሳላንገራግር
የሕይወቴ ጀማሪ ፈጻሚም አንተው ነህና
ሳልሰስት ሰጠሁህ ስራበት ዛሬም እንደገና
ሕይወቴ ያንተ ነውና
ዘመኔ ያንተ ነውና
ጉብዝናዬ ያንተ ነውና
ያንተ ነውና
ቁጥር 2 · Verse 2
በኖርኩባት በዚህች ጥቂቷ ዘመን
ብዙ አይቻለሁ ወጪ ወራጁን
አንዱም አያዛልቅ ውበት የለበት
ኢየሱስ አንተ ነህ የህይወቴ ድምቀት
አዝማች · Chorus
የህይወቴ የህይወቴ ድምቀት (፫x)
ህይወቴ ያንተ ነውና
ዘመኔ ያንተ ነውና
ጉብዝናዬ ያንተ ነውና
ያንተ ነውና
ቁጥር 3 · Verse 3
እንግዲህ በቀረኝ በመጪው ዘመኔ
ልጅህን እንድመስል የኖረውን ኖሬ
ሸክላ ሰሪ ሸክላው በእጁ እንዳለ
ሰሪዬ ነህና የእኔም አንተ አለህ
እንደወደድከው እንደፈቀድከው አድርገው
ቀድሞም ያንተ ነው አሁንም ላንተው አድርገው
ጉብዝናም የምለው ጉልበት የምለው ካንተ ውጪ
አንተው ጋ ልኑር ነፍሴም እጅግ ወዳሃለች
እንድኖር ስታዝዘኝ በእናቴ ማህጸን
አስበኸኝ ኖሯል አባት እንድትሆነኝ
የህይወቴ መስራች ሰሪዬ ነህና
እንደፈለክ አርገው ጌታ ስራበታ
ጌታ ጌታ ስራበታ ጌታዬ ጌታ ስራበታ
ጌታ ጌታ ስራበታ
አዝማች · Chorus
ግማሹን ለጌታ ግማሹን ለእኔ አልልህ
ህይወቴን በሙሉ ሰጠሁህ ሳላንገራግር
የህይወቴ ጀማሪ ፈጻሚም አንተው ነህና
ሳልሰስት ሰጠሁህ ስራበት ዛሬም እንደገና
ህይወቴ ያንተ ነውና
ዘመኔ ያንተ ነውና
ጉብዝናዬ ያንተ ነውና
ያንተ ነውና
ምንጭ፦ ግጥሙ በ WikiMezmur ማኅበረሰብ የተገለበጠ ነው። የግጥሙ መብት የደራሲው ነው — የመብት ጥያቄ