አንድ ቀን ጌታዬን አየዋለሁ
And Ken Gietayien Ayewalehu
1993 · አማርኛ
ቁጥር 1 · Verse 1
አንድ ቀን ጌታዬን አየዋለሁኝ
አክሊሌን ከእጁ እረከባለሁኝ አሜን
አንድ ቀን ጌታዬን አየዋለሁኝ
አክሊሌን ከእጁ እረከባለሁኝ
ቁጥር 2 · Verse 2
ወንጌሉን እንድሰብክ ከልቤ ቆርጬ
ጌታዬ አዞኛል እስከምድር ዳር ሮጬ
ኢየሱስ ያድናል እያልኩኝ እናገራለሁ
እሱ በሚያስታጥቀኝ ጉልበትም እቆማለሁ
አዝማች · Chorus
...አዝ..
ቁጥር 3 · Verse 3
እነ ጳውሎስ ያወጁትን የመስቀሉን ስራ
ወዮልኝ ባልናገር ለፍጥረት ባላወራ
ወደ አህዛብ ሁሉ ሂድ ብሎኛል እሄዳለሁ
ወደ እግዚአብሔር መንግስት ነፍሳትን አመጣለሁ
አዝማች · Chorus
...አዝ..
ቁጥር 4 · Verse 4
ብዙ ብዙ ሚስጥር ከጌታ ተምሬለሁ
አዝመራው እንደነጣ እኔም አይቻለሁ
ጠቦቶቹን ልጠብቅ በጎቹን ላሰማራ
ኢየሱስ የእግዚብሔር ልጅ ሰጥቶኛል አደራ
አዝማች · Chorus
...አዝ..
ቁጥር 5 · Verse 5
አንድ ቀን ሩጫዬ እንደሚያበቃ አውቃለሁ
የሱሴን ፊት ለፊቱ ቆሜ አናግረዋለሁ
ካባቱ ብሩካን ጋራ በቀኙ ያቆመኛል
የተዘጋጀልኝን ሽልማት ይሰጠኛል
አዝማች · Chorus
...አዝ..
ምንጭ፦ ግጥሙ በ WikiMezmur ማኅበረሰብ የተገለበጠ ነው። የግጥሙ መብት የደራሲው ነው — የመብት ጥያቄ