እውነተኛ ሰላም
Ewnetegna Selam
2012 · ትራክ 1 · 7:01 · አማርኛ
ቁጥር 1 · Verse 1
እውነተኛ ሰላም እውነተኛ ደስታ
የገባኝ አሁን ነው አንተን ስይዝ ጌታ
ብዙ ተቅበዘበዝኩ ደህንነት ፍለጋ
በማመኔ ብቻ ላገኘው አንተ ጋ
አዝማች · Chorus
ምቾቴ አንተ ነህ
ሰላሜ አንተ ነህ
እረፍቴ አንተ ነህ
ልቤ ያረፈብህ (፪x)
ልቤ ያረፈብህ (፬x)
ቁጥር 2 · Verse 2
(ያረፈብህ (፰x))
ቁጥር 3 · Verse 3
ወርቅ ዕንቁ ቢሞላ ላይሰጠኝ ሰላም
ዕውቀት ቢደረደር አያሳርፍም
ነፍሴ ስትጨነቅ ጥያቄዋ በዝቶ
መመለስ የሚችል ከወዴት ተገኝቶ
አንተ ስትገባ ወደ ሕይወቴ
ተለዋወጠ ማንነቴ
ጥያቄ ሁሉ ተመለሰ
ሰላም ደስታ በውስጤ ፈሰሰ (፪x)
ቁጥር 4 · Verse 4
በለስ ባታበቅል ፍሬዋ ባይገኝ
ምድራዊ ነገሬ ቢጨላልምብኝ
ቢጐድል ቢሞላ እኔ አልገረምም
በዚህ ሁሉ መሃል ሰላሜ አይጐልም
የማዳኑን ክንድ አልብሶኛል
መጐናጸፊያን ደርቦልኛል
በአምላኬ ሃሴት አደርጋለሁ
ለዘለዓለም በደስታ ኖራለሁ (፪x)
ቁጥር 5 · Verse 5
እውነተኛ ሰላም እውነተኛ ደስታ
የገባኝ አሁን ነው አንተን ስይዝ ጌታ
ብዙ ተቅበዘበዝኩ ደህንነት ፍለጋ
በማመኔ ብቻ ላገኘው አንተ ጋ
አዝማች · Chorus
ምቾቴ አንተ ነህ
ሰላሜ አንተ ነህ
እረፍቴ አንተ ነህ
ልቤ ያረፈብህ (፪x)
ልቤ ያረፈብህ (፬x)
ቁጥር 6 · Verse 6
የሚያውቁኝ በሙሉ እጅግ ተገረሙ
እንዲህ የሚያሳርፍ "ምን አገኘ?" እያሉ
ፍፁም መረጋጋት እርፍ ማለት
የትም አይገኝም በሌለህበት
ሁሉን ነገር ለአንተ ሰጥቼህ
ተደላደልኩኝ አረፍኩብህ
የማይለወጥ ፍቅርህ ሲነካኝ
ሌላው ሁሉ ከንቱ ሆነብኝ (፪x)
ቁጥር 7 · Verse 7
የደስታዬ ምንጭ ኢየሱስ
ሰላም የሆነኝ ኢየሱስ
ማንም ከእንግዲህ ኢየሱስ
የማይለያየኝ ኢየሱስ
ቁስሌን ፈውሶ ያረገኝ ደህና
አከብረዋለው ክብሬ ነውና (፬x)
ምንጭ፦ ግጥሙ በ WikiMezmur ማኅበረሰብ የተገለበጠ ነው። የግጥሙ መብት የደራሲው ነው — የመብት ጥያቄ