ጉዞ ወደ ክብር

ቁጥር 1 · Verse 1

የፅድቅ ጉዞ እንዴት ያምራል

ምክር ግሳፄህ እንዴት ያምራል

ማፅናናት ፍቅርህ እንዴት ያምራል

ቅጣት ቁንጥጫህ እንዴት ያምራል

መስቀልህን ይዞ አንተን መከተሉ

ቢያምም ይጣፍጣል መታገስ በሁሉ

ለድል ሰንደቅ ጉዞ ብናልፍ በመከራ

ምሽቱ ሊያበቃ ጥቂት ቀርቷልና

ቁጥር 2 · Verse 2

አቤት ሲያምር ክርስትና

ጉዞ ወደ ክብር ነውና

አቤት ወበቱ ክርስትና

የምንጠብቀው አለንና

ቁጥር 3 · Verse 3

አንዴ በሸለቆ አንዴ በተራራ

መንገድህ ድንቅ ነው ጌታ ስትመራ

አንዴ በሸለቆ አንዴ በተራራ

መንገድህ ልዩ ነው ጌታ ስትመራ

ታግሶ የሄደ ባንተ የተመራ

በፀጋህ ታግዞ ጦርነት ሳይፈራ

ሰልፍ ሳያስቆመው እየገሰገሰ

የይሁዳ አንበሳ አንተን አነገሰ