ምንም አይሳንህም
Minim Ayisanihim
5:40 · አማርኛ
ቁጥር 1 · Verse 1
አንተን ተስፋ አድርጌ ፀልዬ ነበረ
ፀሎቴን ሰምተሃል ስለቴ ሰመረ
አንተን ተማምኜ ተስዬ ነበረ
ጩኸቴን ሰምተሃል ስለቴ ሰመረ
ፀሎትን ትሰማለህ እንባንም ታብሳለህ
ለሚጠሩህ ቅርብ ነህ ደጅህን ትከፍታለህ
ቁጥር 2 · Verse 2
ኡ አንዳንድ ጊዜ እታወካለሁ
የሚነፍሰው ነፋስ ታንኳዬን ሲንጠው
ኡ መርከቤ ላይ ጌታዬ ተኝተህ
ይሄ ሁሉ ሲሆን አታይም ወይ ነቅተህ
ሚሆነው ሳይገባኝ ተጨንቄ ሳምጥ
ታንኳዬ በውሃ ሲሞላ ስናወጥ
ማዕበል ሚታዘዝህ ሚሰማህ ወጀቡ
በተነሳህ ጊዜ ግን ያወኩኝ ዝም አሉ
አዝማች · Chorus
ምንም ምንም አይሳንህም
የማመልክህ አምላክ ትችላለህ ሁሉንም
ምንም ምንም አያቅትህም
የታመንኩህ ጌታ ትችላለህ ሁሉንም
ቁጥር 3 · Verse 3
ኡ ባለመዳኒት ያልተገኘላት
ለአስራ ሁለት አመት ደም እየፈሰሳት
ኡ ተንከራታች ንብረቷንም ሰታ
ማንም አልተገኘም ችግሯን ሚፈታ
ከህዝብ ሁሉ መሃል በእምነት ተጋፍታ
ፈውሷን ተቀበለች የልብስህን ጫፍ ነክታ
ለስንቱ መለኛ ላዋቂ ያቃተ
ድንቅ መካር ሃያል ቀላል ነው ለአንተ
አዝማች · Chorus
ምንም ምንም አይሳንህም
የማመልክህ አምላክ ትችላለህ ሁሉንም
ምንም ምንም አያቅትህም
የታመንኩህ ጌታ ትችላለህ ሁሉንም
ምንጭ፦ ግጥሙ በ WikiMezmur ማኅበረሰብ የተገለበጠ ነው። የግጥሙ መብት የደራሲው ነው — የመብት ጥያቄ