ኢየሱስ
Iyesus
2009 · ትራክ 4 · 6:37 · አማርኛ
ቁጥር 1 · Verse 1
በምድር ላይ የገነኑ
ሞት ሲመጣ ሲፈተኑ
ሊያመልጡ አልቻሉም በቃቸው
ስጋ ለባሽ አፈር ናቸው
ግን ይሄ ንጉስ መቃብሩን
ተሰማለት መፈንቀሉን
ወጣ የሙታኑ በኩር
የክቡራን ሁሉ ክቡር
አዝማች · Chorus
እየሱስ ጌታ ነው
እየሱስ ህያው ነው
እየሱስ ጀግና ነው
እየሱስ፣ እየሱስ፣ እየሱስ፣ እየሱስ
ቁጥር 2 · Verse 2
ስሙ ሲጠራ የማይፈራ
"እኔ ነኝ" ያለ ተራራ
ይናዳል ይሆናል ሜዳ
ታይቷል ስንቱን ሰው ሲረዳ
ወጀቡም ፀጥ ማዕበልም ፀጥ
ካዘዘ እሱ ማን ሊቀመጥ
ግርማው ክብሩ የተለየ
ገናና ከፍ ብሎ የቆየ
አዝማች · Chorus
እየሱስ ሁሉን ቻይ ነው
እየሱስ ሃያል ነው
እየሱስ ብርቱ ነው
እየሱስ፣ እየሱስ፣ እየሱስ፣ እየሱስ
ቁጥር 3 · Verse 3
ነፍስ ያስጨነቁ አጋንንቶች
ከንቱ ምናምንቴዎች
ሲታዘዙ ወዮ እያሉ
በእሳት ተገርፈው ይለቃሉ
ማን ሰማና ማን አየና?
ይህን የመሰለ ጀግና
ሰማይ ቢወጣ ምድር ላይ
አይን እሱን የመሰለ አያይ
አዝማች · Chorus
እየሱስ ገናና ነው
እየሱስ ልዩ ነው
እየሱስ ታላቅ ነው
እየሱስ፣ እየሱስ፣ እየሱስ፣ እየሱስ
ቁጥር 4 · Verse 4
ለጥያቄ ሁሉ መልሱ
ለበሽታ ሁሉ ፈውሱ
አንድ እና አንድ እሱ ብቻ
ቁልፍ ነው የሁሉ መፍቻ
ደቆሮውን፣ ዲዳውን
መሄድ ያልቻለ ሽባውን
ኧረ ስንቱን ነፃ አወጣ
ቤቱ ድረስ እየመጣ
አዝማች · Chorus
እየሱስ ፈዋሽ ነው
እየሱስ ተስፋ ነው
እየሱስ አዳኝ ነው
እየሱስ፣ እየሱስ፣ እየሱስ፣ እየሱስ
ምንጭ፦ ግጥሙ በ WikiMezmur ማኅበረሰብ የተገለበጠ ነው። የግጥሙ መብት የደራሲው ነው — የመብት ጥያቄ