ንጉሥ ለወደደው
Negus Lewededew
2016 · ትራክ 1 · 4:54 · አማርኛ
ቁጥር 1 · Verse 1
ንጉሥ ለወደደው እንዲህ ይደረግለታል
ንጉሥ ላፈቀረው እንዲህ ይደረግለታል
ንጉሥ ለወደደው ዘንጉ ይዘረጋለታል
ንጉሥ ላፈቀረው ካባ ይደረብለታል (፪x)
አዝማች · Chorus
እኔን ስለወደደኝ ኢየሱስን ሰጠኝ
እኔን ስላፈቀረኝ መድኃኒትን ሰጠኝ
እኔን ስለወደደኝ አንድ ልጁን ሰጠኝ
እኔን ስላፈቀረኝ አማኑኤልን ሰጠኝ
ንጉሥ ስለወደደኝ እኔስ ዕድለኛ ነኝ
ንጉሥ ስላከበረኝ እኔስ ዕድለኛ ነኝ
ለእኔ የተደረገው ብዙ እኮ ነው
ለእኔ የተሰራው ብዙ እኮ ነው
አንድ በአንድ እቆጥራለሁ
የእርሱን መልካምነት እናገረዋለሁ (፪x)
ቁጥር 2 · Verse 2
ምን ያልተደረገ ያልሆነልኝ አለ
ከኢየሱስ ጀምሮ ለእኔ ያልተሰጠ
ከመልካምነቱ እኔን አጠገበ
ንጉሥ እኔን ወዶ እንዲህ አደረገ
ለእኔ የተደረገው ብዙ እኮ ነው
ለእኔ የተሰራው ብዙ እኮ ነው
አንድ በአንድ እቆጥራለሁ
የእርሱን መልካምነት እናገረዋለሁ (፪x)
ቁጥር 3 · Verse 3
አክሊል እንደለበሰ ያጌጠ ሙሽራ
ሕይወቴ በደሙ ታጥባ አምራ
በፊቱ የመግባትን ድፍረት አግኝታለች
ለልዑል እግዚአብሔር ዛሬ ታዜምለታለች
አዝማች · Chorus
ቸር ነው (፪x)
ምሕረቱ ብዙ ነው
ፍቅሩ የማያልቅ ነው (፪x)
ወደደኝ አዳነኝ
ለክብሩ እኔን መረጠኝ (፪x)
አዝማች · Chorus
(ወደደኝ አዳነኝ
ለክብሩ እኔን መረጠኝ (፪x))
ምንጭ፦ ግጥሙ በ WikiMezmur ማኅበረሰብ የተገለበጠ ነው። የግጥሙ መብት የደራሲው ነው — የመብት ጥያቄ