ስጦታዎቼ
Sitotawoche
አማርኛ
አዝማች · Chorus
ስጦታዎቼ ከአምላኬ ያገኘኋችሁ
እደጉ ልጆቼ ኢየሱስ ያሳድጋችሁ
ከዘመኑ አመጽ በደሙ ጋርዶ ያውጣችሁ
ለኔ እንደ ቆመ ፤ ለእናንተም ይቁምላችሁ
ቁጥር 1 · Verse 1
አደራ ናችሁ ከእግዚሃብሄር ወደ እኔ የተላካችሁ
ስሙን በእናንተ እንዳነግስ ፍቅሩንም እንዳሳያችሁ
የፍቅሩ መገለጪያዬ የአምላኬ ልዩ ስጦታ
ለዘላለሙ ይባረክ እናንተን የሰጠኝ ጌታ
ግሩም ነው ጌታ አሰራሩ እናንተን ብቻ መች ሰጠ
ፍቅርንም በውስጤ አኑሯል እንድወዳችሁ ሚያስችለኝ
ለናንተ ያለኝን ፍቅር ሳይ ፍጹም ፍቅሩን አስባለሁ
ቸርነት ምህረቱ ታውሶኝ የፍቅር እንባ አነባለሁ
አዝማች · Chorus
ስጦታዎቼ ከአምላኬ ያገኘኋችሁ
እደጉ ልጆቼ ኢየሱስ ያሳድጋችሁ
ከዘመኑ አመጽ በደሙ ጋርዶ ያውጣችሁ
ለኔ እንደ ቆመ ፤ ለእናንተም ይቁምላችሁ
ቁጥር 2 · Verse 2
ፍቅራችሁ ትዝታዬ ነው፤ እርቄ በሄድኩኝ ጊዜ
ሳላያችሁ ውዬ ካደርኩ ልቤ ይሰማዋል ትካዜ
ሳቃችሁ ብቻም አይደለም ይናፍቀኛል ለቅሷችሁ
ፀጥታው ይጮህብኛል ለአፍታ ከፊቴ ሳጣችሁ
እውነቱን ነግራችኋለሁ ፍርሃትም አለ በውስጤ
ዘመኑ እየከፋ ሲሄድ እየጨመረ ነው ምጤ
አደራ ሰጥቶኛል እና በእርሱ ስራዓት እንድታድጉ
ከዘመኑ አመፅ ለማምለጥ ልጆቼ አምላክን ፈልጉ
አዝማች · Chorus
ስጦታዎቼ ከአምላኬ ያገኘኋችሁ
እደጉ ልጆቼ ኢየሱስ ያሳድጋችሁ
ከዘመኑ አመጽ በደሙ ጋርዶ ያውጣችሁ
ለኔ እንደ ቆመ ፤ ለእናንተም ይቁምላችሁ
ምንጭ፦ ግጥሙ በ WikiMezmur ማኅበረሰብ የተገለበጠ ነው። የግጥሙ መብት የደራሲው ነው — የመብት ጥያቄ