፬) አንድ ጊዜ አስበኝ ብዬ

ቁጥር 1 · Verse 1

ብርታቱ የቱ እንደሁ ሸንግይው

በምን ይረታ ይሆን ነዝንዢው

ብሎ ለማባበል ደሊላን ላከበት

ሳምሶን መች አወቀ ጉድጓድ ሲማስበት

ሆኖም በፍጻሜው ጌታ ደረሰለት

ቁጥር 2 · Verse 2

ብርቱ የአምላክ ጀግና ኤልያስ

የበኣልን ነቢያት ሲያተራምስ

ኤልዛቤል ገነነች ቃሏን አስረዘመች

እርሱም ዘነጋና የትናንቱን ድሎች

ጌታ አበረታው ሰጠው የእምነት ዓይኖች

ቁጥር 3 · Verse 3

አራት መቶ ተኩል ዓመታት

ሲሰቃይ እስራኤል በባርነት

ያገለግለኝ ዘንድ ሕዝቤን ልቀቅ አለው

መፈታት ታወጀ ፈርኦን ምን ይዋጠው

ትዕዛዝ ከላይ መጣ ሳይፈልግ መልቀቅ ነው

ቁጥር 4 · Verse 4

ዮሴፍ በግዞት ውስጥ ማቀቀ

ያወቀውን አምላኩን ናፍቀ

የእንቆቅልሽ ፈቺ በጊዜው ሲያደርገው

በናቁት ሁሉ ፊት ሞገስ ሲያለብሰው

ዘመን ከመጣለት የሚቃወም ማን ነው

ቁጥር 5 · Verse 5

መርዶኪዮስ በትዕግስት ጠበቀ

ለጊዜው የሃማም ዛቻ ጸደቀ

ያ የጥንቱ ገድል ተጽፎ ያለበት

የድል ዘመን መጣ መዝገብ ሚታይበት

የምስኪኖች አምላክ ክብር ይሁንለት