አመልክሃለሁ (2))
Amelkehalehu (2
2017 · ትራክ 5 · 4:00 · አማርኛ
ቁጥር 1 · Verse 1
አንት ከከበርክ እኔ ምን እሻለሁ
ያንተ መክበር ያ የኔ ደስታ ነው
ዘላለም አመልክሃለሁ
ዘመኔን ላንተ ኖራለሁ
ድምፅህን ስሰማው እጅግ ደስ ይለኛል
ሽር ጉድ ስልልህ ክብር ይሰማኛል
ረሃቤም ጥማቴም ፈቃድህን ማድረግ ነው
ፃድቁን አይቼ ጠግቤ መኖር ነው
አዝማች · Chorus
ዘላለም አመልክሃለሁ ዘመኔን ላንተ ኖራለሁ /4/
ቁጥር 2 · Verse 2
ሙሽራው ሲከብር ደስ እንዲለው ሚዜ
ደስታዬ ይሞላል ከብረህ ሳይህ ጊዜ
ድመቅ በሁሉ ላይ ታይልኝ ቀን ሙሉ
ፍጥረታት ሁሉ አይተው ጌታዬ ይበሉ
ክብር ይሁን በላይ ክብር ይሁን በሰማይ
በፍጥረት ሁሉ ላይ አንተ ብቻህን ታይ
ክብር ይሁን በታች ክብር ይሁን በምድር
በእጆች ስራ ላይ አንተ ብቻ ክበር
አዝማች · Chorus
ዘላለም አመልክሃለሁ ዘመኔን ላንተ ኖራለሁ /4/
ምንጭ፦ ግጥሙ በ WikiMezmur ማኅበረሰብ የተገለበጠ ነው። የግጥሙ መብት የደራሲው ነው — የመብት ጥያቄ