ይችላል

ነፋስን ይጠራል ባህር ዝም ያሰኛል - እግዚአብሔር ይችላል

የተፍገመገመን አፅንቶ ያቆማል - እግዚአብሔር ይችላል

አለትን ሰንጥቆ ጥማትን ያረካል - እግዚአብሔር ይችላል

ጥቂት ባርኮ አብልቶ ሺሁን ያበረታል - እግዚአብሔር ይችላል

ተራራውን ንዶ ደልዳላ ያደርጋል - እግዚአብሔር ይችላል

ደረቁን ሸለቆ በውሃ ይሞላል - እግዚአብሔር ይችላል

መንፈሱን ያፈሳል ህይወትን ያድሳል - እግዚአብሔር ይችላል

ሳይታክት ለሚጮህ እግዚአብሄር ይመጣል - እግዚአብሔር ይችላል

ዕውርን ያበራል ሽባን ያዘልላል - እግዚአብሔር ይችላል

እንቆቅልሽ ፈቶ ቋጠሮ ይበጥሳል - እግዚአብሔር ይችላል

ለሞተው ማንነት ህይወትን ይሰጣል - እግዚአብሔር ይችላል

ዛሬም ለሚታመን አምላኬ ይችላል - እግዚአብሔር ይችላል