የነፍሴ ምርጫ
Yenefse Mircha
2017 · ትራክ 9 · 4:55 · አማርኛ
ቁጥር 1 · Verse 1
መቼም ብዙ - ብዙ አማልክትና ብዙ ጌቶች አሉ
በባህሪያቸው አማልክት ሳይሆኑ አምላክ ነን የሚሉ
ከማንም/ከየቱም ጋር ሳታነፃፅርህ ሳታወዳድርህ
ነፍሴ ወዳህ በላይዋ ሾመችህ አንተን እግዚአብሄር
አዝማች · Chorus
የነፍሴ ምርጫ ነህ የነፍሴ /2
የቤቴ ምርጫ ነህ የቤቴ/2
ቁጥር 2 · Verse 2
መቼም ኑሮ አይሞላ ቢለፋ ቢደከም
አንተ የሌለህበት ሩጫ ዋጋ የለውም/ሩጫም አያረካም
ፅድቅህን የፈለገ መንግስትህን ያለ
እርሱ ነው በሰማይ በምድር የታደለ
የነገሮች መሙላት የነገሮች መጉደል
ለመስፈርት አይቀርብም አንተን ለመከተል
ከብዙ ዕልፍ መሃል የተመረጥክ ነህ
ልክ እንደአባቶቼ ለኔም ምርጫዬ ነህ
አዝማች · Chorus
የነፍሴ ምርጫ ነህ የነፍሴ /2
የቤቴ ምርጫ ነህ የቤቴ/2
ቁጥር 3 · Verse 3
የሁሉ ጌታ ነህ ምርጫዬ ያረኩህ
ያዋጣኛል ብዬ የተከተልኩህ
ለሰማዩ ቤቴ ዋስትና ከሆንከኝ
እኔ ለምን ልፍራ በምድር እያለሁኝ
የነገሮች መሙላት የነገሮች መጉደል
ለመስፈርት አይቀርብም አንተን ለመከተል
ከብዙ ዕልፍ መሃል የተመረጥክ ነህ
ልክ እንደሌሎቹ ለኔም ምርጫዬ ነህ
አዝማች · Chorus
የነፍሴ ምርጫ ነህ የነፍሴ /2
የቤቴ ምርጫ ነህ የቤቴ/2
ቁጥር 4 · Verse 4
ምርጫዬ ነህ /2/ እኔና ቤቴ ምናመልክህ
ምርጫዬ ነህ /2/ በኔና በቤቴ የምትመለክ
ምንጭ፦ ግጥሙ በ WikiMezmur ማኅበረሰብ የተገለበጠ ነው። የግጥሙ መብት የደራሲው ነው — የመብት ጥያቄ