ዳዊት ለእግዚአብሔር
Dawit Legziabhier
2012 · ትራክ 2 · 4:59 · አማርኛ
ከሚልኮልም አፍ ቢወርድም ስድቡ
ቆነጃጅቱ በንቀት ቢያዩ
እርሱ ግን ካምላክ ነበር ጉዳዩ (2)
ሞትን በህይወት ለለወጠልን የማይሰፈር ውለታ አለብን
በምስጋና ድምጽ እንግባ ሰማይ ወደ ታደገን እንይ ወደ ላይ
ክብር ለእርሱ ይዋረድ የቆመው ለእርሱ ይስገድ
እግርም ያለመጫሚያ መጎናጸፊያም ይውለቅ
ይሉኝታን ጉያው አቅፎ ዛሬም የሚያባብላት
ከሰማዩ በረከት አያገኝም በሙላት
እስትንፋሱ በአፍንጫው ያለበት ታናሹ ሰው
ሁሉን ከሚችል ጋራ ቢመዘን ገለባ ነው
ምስጋና ለሚገባው ሞገሱ ለሚያስፈራው
ነገሥታቱም ይስገዱ ታቦቱም ፊት ጭፈራው
እልልታው እስከ ማዶ ጭብጨባው በመንደሩ
መቅደሱን ሞልቶ ይፍሰስ ያስተጋባ መዝሙሩ
ያከበረን ይናቀን የሳቀልን ያኩርፈን
እኛ ግን እንደ ዳዊት ከጌታ ጉዳይ አለን
ምንጭ፦ ግጥሙ በ WikiMezmur ማኅበረሰብ የተገለበጠ ነው። የግጥሙ መብት የደራሲው ነው — የመብት ጥያቄ