ደስ የሚልህን ስጦታ
Des Yemilehen Setota
2005 · ትራክ 3 · 4:39 · አማርኛ
ቁጥር 1 · Verse 1
ደስ የሚልህን ስጦታ
በእጄ ያለኝን ጌታ
ራሴን ላድርግ መስዕዋትህ
ከሁሉ በላይ የምሰጥህ
ኑሮህን ጨርሰህ በእኔ ኑር
ካሰብከው የሚቀርህ አይኑር (፪x)
አዝማች · Chorus
በአንተ መኖር ያሰብከውን መኖር
ኑሮህን መኖር መርጫለሁ
ብኖር ለአንተ
ብሞትም ለአንተ
ከፈቃድህ ስር ይሁን መቃብሬ
ከዚህ ሌላ ኑሮ/ሕይወት አይታየኝም እኔ (፪x)
ቁጥር 2 · Verse 2
በላይ ያለው ፈቅድህ
በምድር በእኔ እንዲሆን
ይኸው ራሴን አምጥቻለሁ
ለአንተ እንዲሆን ሰጥቻለሁ
ለክብርህ መገለጫ ዕቃ
የወደድከውን ማድረጊያ (፪x)
ቁጥር 3 · Verse 3
እንደ ወትሮው በሥጋዬ
ከብሮ ሳየው ውድ ጌታዬ
ልጁን በእኔ መልክ ገልጦት
ያሰበውም ሰምሮለት
ደስታዬ ያን ጊዜ ይሞላል
መሻቴ ፍጻሜን ያገኛል (፪x)
አዝማች · Chorus
በአንተ መኖር ያሰብከው መኖር
ኑሮህን መኖር መርጫለሁ
ብኖር ለአንተ
ብሞትም ለአንተ
ከፈቃድህ ስር ይሁን መቃብሬ
ከዚህ ሌላ ኑሮ/ሕይወት አይታየኝም እኔ (፪x)
ምንጭ፦ ግጥሙ በ WikiMezmur ማኅበረሰብ የተገለበጠ ነው። የግጥሙ መብት የደራሲው ነው — የመብት ጥያቄ