እግዚአብሔር ሆኖኛል መተማመኛ

ቁጥር 1 · Verse 1

1. ህይወት ረቂቅ ናት መች እንዲህ በወሬ

መረር ከረር ስትል ከትናንቱ ዛሬ

መንገዷ ረጅም ነው አይደረስባት

እጅግ ትመራለች ጌታ ከሌለባት

እኔ ግን ድኛለሁ ከኀጢአት ውጥንቅጥ

እኖራለሁ ኑሮ እጅግ የሚጣፍጥ

አይቆረቁረኝም መኝታዬ

ይመስገን ጌታዬ

ቁጥር 2 · Verse 2

2. እይኔ ተከፈተ አምላኩን ያወቀ

አንዴም አልተረታ አንዴም አልወደቀ

የአለም ማባበል የሰይጣንን ደባ

ተዋግቶ አሸንፎ ድል አድርጎ ገባ

ወዲያ ወዲህ መሮጥ ስጋን ተከትሎ

በሽተኛ መሆን ህይወትን አቁስሎ

በእውነተኛ ልብ ከጠራነው

ኢየሱስ መልስ ነው

ቁጥር 3 · Verse 3

3. በኢየሱስ እጅ ነው ትርጉም ያለ ህይወት

ታዲያ ምን ያደርጋል ሰው አላወቀበት

በመውጣት በመውረድ ነፍሱን ያባክናል

ላያጠግብ እንጀራ ገንዘብ ይመዝናል

እኔ ግን አንድ ቀን ብርሃን በርቶልኛል

የምድር ድንኳኔን ጌታ አሙቆልኛል

ደግሞም በሚመጣው አዲስ አለም እኖራለሁ ዘላለም

ቁጥር 4 · Verse 4

4. እዚህ ደርሻለሁ ዘመናት አልፌ

ለይቼ አውቄያለሁ ጉዳትና ትርፌን

ከእንግዲህ በኃላ የቀረኝ ዘመኔ

ጉያው ገብቻለሁ እርሱ ነው ተገኔ

ሰውም አያድንም ብርም አያድንም

ክብርም አያድንም እውቀት አያድንም

ሰው ጌታን ከያዘ ግን ምን ይሆናል

በኢየሱስ ይድናል