ላንተ ወይስ ለሰው
Lante weys le sew
አማርኛ
ቁጥር 1 · Verse 1
የሰጠኸኝን ሳልወድ ከቅርቤ ያለውን ሰው
ያላየሁክን ስመኝ ልቤ ሃሰት አወቀው
አፌ በአምሳልህ ጥላቻን እየቀባ
የሀይማኖት ጦር ሰብቆ በደጄ አደባ
አዝማች · Chorus
ሃይማኖተኛነቴ ስንቱን እያደማ
ቀና ያልኩት በአንተ እምነተ ጠማማ
ያልሆንኩትን ስሆን ስንቱን ሳስመስለው
ልፋቴ ድካሜ ላንተ ወይስ ለሰው
ቁጥር 2 · Verse 2
ለልብሴ ወሮታ ክብር ስም ሰጥቼ
በአእምሮዬ ሰንካላ ንፁህ ሰው ገፍቼ
ላንተ በመሰለኝ ፅፌ በደለዝኩት
መዝገቡ በእኔ ነው በስንቱ የፈረድኩት
አዝማች · Chorus
ሃይማኖተኛነቴ ስንቱን እያደማ
ቀና ያልኩት በአንተ እምነተ ጠማማ
ያልሆንኩትን ስሆን ስንቱን ሳስመስለው
ልፋቴ ድካሜ ላንተ ወይስ ለሰው
ቁጥር 3 · Verse 3
የድርጅት ቀንበር ሆኖብኛል በደም
ማነቆ በእምነቴ ወዳንተ አላደኩም
እጄን ንፁህ ላደርግ በደም እየታጠብኩ
ኖራለሁ በሰው ፊት አለኝ ዘመን እያልኩ
የማደርገውን ይህ ልቤ ያውቃል
ግን የሃይማኖት ዕዳ ይዞኛል
የበግ ለምድ በፊትህ ለብሼ
ክብርህን ቀማሁኝ መልሼ
ሊሻር ባለው ልቤ ታሰረ
ለስርዓቱ ፍቅርን ሰወረ
ኩራቴ ሲቀድመኝ ጥላዬ
መርገሜን ከመርኩት በላዬ
ቆም ብዬ እንዳስብ
ስጠኝ ማስተዋል ጥበብ
በምክርህም ድረስና
ሀይማኖቴን በእምነት አፅና
በምክርህም ድረስና
ዛሬ ልቤን በፍቅርህ አፅና
ምንጭ፦ ግጥሙ በ WikiMezmur ማኅበረሰብ የተገለበጠ ነው። የግጥሙ መብት የደራሲው ነው — የመብት ጥያቄ