አዳማዊው ዕውቀቴ
Adamawiw Ewkete
አማርኛ
ቁጥር 1 · Verse 1
ሰላም ነህ ብዬ ዘምሬ ተናግሬ
ዋይታ ለቅሶ በመንደሬ
አንተ አለኸኝ እያልኩ ባዶነት ሲሰማኝ
ነብሴ ስትጨነቅ ማደርገው አይገባኝ
መልካም ሰራው ብዬ ሲሆንብኝ ጥፋት
በከፋ አስፈርጆኝ የስጋዬ ክፋት
ስል ያዝኩ ከፍታዬን ሳይ ሆኖ ዝቅታ
ከእጄ አለኝ ያልኩት በእልቂት ሲመታ
አንተን ባመንኩት ሲሆንብኝ እረፍት
ከንቱ መረዳቴ አንተን ያወኩበት
እንዲ ነህ ብዬ ሆነህ ሳላይ
ስታመንብህ ሰልፍ በነብሴ ሳይ
በስምህ ጀምሬ ሳያገኝ ፍፃሜ
በረታው ባንተ ስል ሲፀና ድካሜ
አዝማች · Chorus
እንዲህ ነህ እንዲያ ነህ ብዬ የለፋውበት*2
አዳማዊዉ እውቀቴ ቀኑ ጨለመበት*2
እንዲህ ነህ እንዲያ ነህ ብዬ የለፋውበት*2
ሰውኛ እውቀቴ ቀኑ ጨለመበት
ቁጥር 2 · Verse 2
በመንገዴ ቆመህ ስፀልይ ስገጽጽ በአንደበቴ ላልታነጽ
ሞት መውጊያው በርትቶ በነብሴ ቢያይልም
ባልገቡኝ ነገሮች ለፍርድ ብቸኩልም
አጋጣሚ ምለው ሲያስጨንቁኝ እንዲያ
ነበር አንተ አኑረህ ለስጋዬ መውጊያ
ከፈለከው እንዲያ ውድቀት ድክመቴን
ላንተ በኔ መኖር ካረከው ሞቴን
አፀደኩ ያልኩትን ረገምኩት ልፋቴን
አየው ካንተ ውጪ ከንቱ እኔነቴን
እንዲ ነህ ብዬ ሆነህ ሳላይ
ስታመንብህ ሰልፍ በነብሴ ሳይ
በስምህ ጀምሬ ሳያገኝ ፍፃሜ
በረታው ባንተ ስል ሲፀና ድካሜ
አዝማች · Chorus
እንዲህ ነህ እንዲያ ነህ ብዬ የለፋውበት*2
አዳማዊዉ እውቀቴ ቀኑ ጨለመበት*2
እንዲህ ነህ እንዲያ ነህ ብዬ የለፋውበት*2
ሰውኛ እውቀቴ ቀኑ ጨለመበት
ቁጥር 3 · Verse 3
ከዚ ከንቱ እውቀት ማነው ገላጋዬ
መንፈሴን ታዳጊ አለው አጋዥ ባዬ
የነብሴን ጩኸትስ የቱ ሰው ሊሰማ
አንተ ካልሆንክማ
አንተ ካልሆንክማ
ምንጭ፦ ግጥሙ በ WikiMezmur ማኅበረሰብ የተገለበጠ ነው። የግጥሙ መብት የደራሲው ነው — የመብት ጥያቄ