ማየት ክርስቶስን
Mayet Kirstosen
አማርኛ
ቁጥር 1 · Verse 1
ማየት ክርስቶስን
አምላክ በሰው አምሳል
በምድር ሲኖር ሳለ
በሀጢያት ሲወቀስ
በሀጢያት መች ዋለ
የህይወት ተምሳሌት
በፅድቅ የኖረውን
እርሱን ብቻ መምሰል
ቁጥር 2 · Verse 2
ማየት ክርስቶስን
ማየት ክርስቶስን2*
መኖር ክርስቶስን2*
ቁጥር 3 · Verse 3
ሊማር ከህይወት ድካም
ስህተት ካጠለቀ
ዳዊት የልቤ ሰው
ሲባል ከወደቀ
ሊነሳ ይወድቃል ሰው
ሰው በመሆኑ
ፍርዱ ግን ከላይ ነው
የመኖር ተመኑ
አንዱ በሀጢያት አለ
ሌላው ተደብቆ
የሚታየውን ሲዘልፍ
የማይታይ ማን አውቆ
ኖረ ለሞት ብለን
ለሰው ስንሰጥ እርከን
ስለኛ ያለውን ህይወት መች ተረከን
ቁጥር 4 · Verse 4
አምላክ በሰው አምሳል
መልካም የመገበኝ ቢቀድመው ስህተቱ
በልቡ የነበረ ሲታይ በድክመቱ
የሰበከውን ባይኖር ያመነውን ረስቶ
ሰው ሊወድ እንዳለ አለ ሊኖር ጠልቶ
አለ ለትውልድ መዳን ሲባል ከረከሰ
ሰው ከፍጥረት ቤቱ ሞትን ከቀመሰ
መፅሀፍ ከፅድቅ በታች
በከንቱ ሁሉን ዘግቶ
አዲስ ምዕራፍ ታየ
መዳን ጌታን አይቶ
አዝማች · Chorus
ማየት ክርስቶስን2*
መኖር ክርስቶስን2*
ቁጥር 5 · Verse 5
ከሰው አድማስ ባሻገር ለክብር ያለውን
እውነት መንገድ ሊሆን ህይወት የኖረውን
የፅድቅን ካባ ለብሶ መዳን ዕለት በዕለት
ማየት እና ማደግ ኢየሱስ ከኖረበት
ማየት እና ማደግ ኢየሱስ ወዳለበት
አዝማች · Chorus
ማየት ክርስቶስን2*
መኖር ክርስቶስን2*
ምንጭ፦ ግጥሙ በ WikiMezmur ማኅበረሰብ የተገለበጠ ነው። የግጥሙ መብት የደራሲው ነው — የመብት ጥያቄ