ፊትህ አለ
Fiteh ale
አማርኛ
አዝማች · Chorus
ምህረትህ ማለዳ ማለዳ አዲስ ነው
ታማኝነትህም እጅጉን ብዙ ነው
ሰራሁት የምለው በጎነት ሳይኖረኝ
በምህረት በፍቅርህ ዛሬም ምታኖረኝ
አንዳች የሰራሁት ፅድቅ እንኳ ሳይኖረኝ
በመልካምነትህ ዛሬም ምታኖረኝ
ቁጥር 1 · Verse 1
1ሁለት ሃሳብ ይዤ በመንታ መንገድ ላይ
ስራመድ እያለሁ ለኔ ያለህን ሳላይ
አንተን በበደልኩት በአእምሮዬ ወቀሳ
ነፍሴ ስትዋዥቅ ስትወድቅ ስትነሳ
ሰራሁ ያልኩት ሲታይ በፋትህ ሲመዘን
ባዶነቴን አየሁ ባለፍኩት ሁሉ ቀን
ጀርባዬን ስሰጥህ ጥላቻን ቋጥሬ
ተመልሼም ባይህ ፊትህ አለ በበሬ
አዝማች · Chorus
ምህረትህ ማለዳ ማለዳ አዲስ ነው
ታማኝነትህም እጅጉን ብዙ ነው
ሰራሁት የምለው በጎነት ሳይኖረኝ
በምህረት በፍቅርህ ዛሬም ምታኖረኝ
አንዳች የሰራሁት ፅድቅ እንኳ ሳይኖረኝ
በመልካምነትህ ዛሬም ምታኖረኝ
ቁጥር 2 · Verse 2
2. ከምሄድበት ከዚያ ከንቱ መውደድ
መልካም ከመሰለኝ በክፉ ስጠመድ
ተመለስ ልጄ ባክህ አይጠቅምም ያ መንገድ
በእኔ ህይወት አለ ከሚያጠፋው ሰደድ
ብሎ የመለሰኝ በምህረት በምክሩ
ደግፎም ይዞኛል ዳግም እንዳልወጣ ከፍቅሩ
መልካምነቶቹ ከፊቴ ሳይጠፉ
መልሶም አኖረኝ ዳግም እንዳልወጣ ከእቅፉ
ፅድቅህ ከልቤ ተስዶ ሸክሜ ከብዶ
ምኞቴን ፀንሼው ሀጢአቴም ሞቴን ወልዶ
እኔም ማረኝ ብዬ ድክመቴን ሳሳየው
ደርሶ በደግ እጁ መርገሜን ሰበረው (2*)
ፊቱ ምንጊዜም የማይለወጥ
በሁኔታዎች ፍቅሩን የማይገልጥ
ከህይወት አምድ ጠፍቼ ካለሁበት ደርሶ
ሆኖኛል ጌታ መርገሜን ፈውሶ
ሆኖኛል አምላክ መንፈሴን ፈውሶ
ሆኖኛል አባት ህይወቴን ፈውሶ
ምንጭ፦ ግጥሙ በ WikiMezmur ማኅበረሰብ የተገለበጠ ነው። የግጥሙ መብት የደራሲው ነው — የመብት ጥያቄ