እግዚአብሔር ረዳቴ

እግዚአብሔር ረዳቴ መሸሸግያ አለቴ መድህኔ

ምርኩዝ ለሕይወቴ መከታ ጋሻዬ አለኝታዬ

በለመለመ መስክ ሁሌ ያሳድረኛል ይመራኛል

ይመራኛል/5

ምድር ብትናወጥ ተራሮች ቢቀልጡም ልቤ አይፈራም

እርሻው መብል ባይሰጥ ከብቶችም ባይኖሩ ከቶ አልሰገፋም

የኔ መኖርያዬ እግዚአብሔር ብቻ ነው ተስፋዬ ነው

ተስፋዬ ነው/5

እንደ ሐያል እና ደግሞ እንደ ጨካኝ ከጎኔ ነው

ታድያ የሚያስፈራኝ የሚያስደነግጠኝ ከቶ ማን ነው

በወጀብ ማዕበል መንገድ አለው ጌታ ይረዳኛል

ይረዳኛል/5

ልቤን ደስ ይለዋል እርሱን ባሰብኩ ቁጥር እጽናናለሁ

ሐዘኔን ብሶቴን መከራዬን ሁሉ እረሳለሁ

ከፍቅሩ የተነሳ አድኖኛል እና ይወደኛል

ይወደኛል/5