ወደ ደጆቹ በመገዛት

ወደ ደጆቹ በመገዛት ወደ አደባባዩ በምስጋና እቀርባለሁ

እሰግዳለሁ ጌታን አከብራለሁ

እቀኛለሁ ለእርሱ ዘምራለሁ እሰግዳለሁ

በበጎ ሕሊና በተቀደሰ ልብ በፊቱ ሁሌ እሆናለሁ

እራሴን ሰጥቼ ልቤን አስገዝቼ ሁልጊዜ ዘምርለታለሁ

ያንስበታል እንጂ አይበዛውምና አምላኬን አከብረዋለሁ

በቀረኝ ዘመኔ እግዚአብሔርን አመልካለሁ

ቸርነቱ ብዙ ምሕረቱ ዘላለም ለልጅ ልጅ ሁሉ ነውና

እርሱን ላመሰግን በፊቱ ልዘምር ልሰዋ ከልቤ ምስጋና

ቅደሳን በፊቱ ተንበረከኩለት ተራሮችም ዝቅ ዝቅ አሉ

ምድርና ሞላዋ ለእግዚአብሔር እልል በሉ

ጽድቁን ያወራሉ ሰማይ እና ምድር አሕዛብም ክብሩን አዩ

ዳርቻዎች ሁሉ የአምላካችንን ማዳኑን ተገነዘቡ

ድምጹን ይሰሙታል እርሱ እንዳዘዛቸው ፍጥረታት ወጥተው ይገባሉ

ክብርና ምስጋና ለጌታቸው ያቀርባሉ

https://www.youtube.com/watch?v=fDb8yNs_X8s&list=PLvd6Ao9nWjlx8WI8reelS1yPGnyP_KgtX&index=13