አመልክሃለው
Amelkihalehu
ትራክ 12 · 5:24 · አማርኛ
አዝማች · Chorus
አንተ ከቶ የማታውቀው በሂወቴ ምን አለ
ገና ሳልነግርህ ይገባህ የለ የልቤ እንዳለ
ስለዚህ ጥያቄዬን ገትቼ ላምልክህ ላክብርህ
ነውና የዘውትር ስራዬ መቀደስ ስምህን
ቁጥር 1 · Verse 1
እንዲህ እንዲያ እያልኩ ጊዜዬን አልፈጅም
አንተን ከፍ ሳደርግ ያንስብኛል ሁሉም
የመኖሬ አላማ ለአንተ ክብር ነው
ዘላለም ማምለኬን ሁኔታ አይቀይረው
አዝማች · Chorus
ጌታ ከቶ የማታውቀው በሂወቴ ምን አለ
ገና ሳልነግርህ ይገባህ የለ የልቤ እንዳለ
ስለዚህ ጥያቄዬን ገትቼ ላምልክህ ላክብርህ
ነውና የዘውትር ስራዬ መወደስ ስምህን
ቁጥር 2 · Verse 2
አንተ እኮ ትልቅ ነህ ከነገሮች በላይ
ከአፍህ በወጣው ቃል ፍጥረት ፀንቶ የለም ወይ
ሁኔታ ያልቃኘው አምልኮና ክብር
እሰዋለው ዘውትር ላንተ ለእግዚአብሔር
እጆቼን ከፍ አድርጌ ስምህን እባርካለው
የሚገባህን ሁሉ ይዤ በፊትህ እቀርባለው
አዝማች · Chorus
በእውነትና በመንፈስ
ነፍሴን በፊትህ ላፍስስ
ደስ ያሰኝህ መስዋቴ
ይሄ ነው የልብ መሻቴ
ቁጥር 3 · Verse 3
እግዚአብሔርነትህን አመልካለሁ
ክብርህን እያየሁ አመልካለሁ
ከሁኔታ በላይ አመልካለሁ
ፊትህን እያየሁ አመልካለሁ
ምንጭ፦ ግጥሙ በ WikiMezmur ማኅበረሰብ የተገለበጠ ነው። የግጥሙ መብት የደራሲው ነው — የመብት ጥያቄ