ማን ነው ያነጋው
Man New Yanegaw
5:39 · አማርኛ
አዝማች · Chorus
(ማነው ያነጋው ሌሊቱን? ማነው ያጠፋው እሳቱን?
(ኢየሱስ ነው ክንደ ብርቱ) ፪X (፪X)
ቁጥር 1 · Verse 1
በአንድ መንገድ የመጡ በብዙ በሺህ ሲወጡ
እየወደቁ ሲነሱ ክብርን ለጌታ ሲሰጡ
የናቀኝ ሁሉ ሲያከብረኝ በክብር ስሜ ሲጠራኝ
ዕድሜ ሰጥተኸኝ አየሁኝ (ያንተ መሆኔ አኮራኝ) ፪X
አዝማች · Chorus
(ማነው ያነጋው ሌሊቱን? ማነው ያጠፋው እሳቱን?
(ኢየሱስ ነው ክንደ ብርቱ) ፪X (፪X)
ቁጥር 2 · Verse 2
ከባቢሎን ወንዞች ማዶ ከምርኮ ከስር ከተማ
የመውጣት ነገር ሲነገር የነፃነት ድምፅ ሲሰማ
ደወል ሲመታ በድንገት ኧረ የማን ልብ አመነ?
ምን ያቅትሃል ጌታችን? (አንተ ስላልከው ግን ሆነ) ፪X
አዝማች · Chorus
(ማነው ያነጋው ሌሊቱን? ማነው ያጠፋው እሳቱን?
(ኢየሱስ ነው ክንደ ብርቱ) ፪X (፪X)
ቁጥር 3 · Verse 3
በባእድ ምድር እያለን የታመቀውን እሳት
ጌታ ሊያነደው ጀመረ አዲስን ምእራፍ ሊከፍት
ከዛፍ ወረደ ማሲንቆ ከዛፍ ወረደ በገና
የፅዮን ዝማሬ ልንዘምር (አዲሱን ቅኔ ምሥጋና) ፪X
አዝማች · Chorus
(ማነው ያነጋው ሌሊቱን? ማነው ያጠፋው እሳቱን?
(ኢየሱስ ነው ክንደ ብርቱ) ፪X (፪X)
ቁጥር 4 · Verse 4
እያለቀስን ወጥተናል በሃዘን ዘርን ዘርተናል
በምድር በሠማይ መካከል እንባችንን ረጭተናል
የዜማ ጊዜ ደረሰ ነዶአችንን ይዘን መጥተናል
በውዳችን ተደግፈን (ከምድረ በዳ ወጥተናል) ፪X
አዝማች · Chorus
(ማነው ያነጋው ሌሊቱን? ማነው ያጠፋው እሳቱን?
(ኢየሱስ ነው ክንደ ብርቱ) ፪X (፪X)
ቁጥር 5 · Verse 5
ጌታ ምርኮያችንን ሲመልስ ለቅሶ በመዝሙር ሲተካ
ቃላችን ውስን ምድራዊ ደስታችን በምን ይለካ?
አፋችንን በሳቅ ሞላ አንደበታችን ምሥጋና
ሁሉን ውብ አድርጓል (የታሪክ ጌታ ነውና) ፪X
አዝማች · Chorus
(ማነው ያነጋው ሌሊቱን? ማነው ያጠፋው እሳቱን?
(ኢየሱስ ነው ክንደ ብርቱ) ፪X (፪X)
ምንጭ፦ ግጥሙ በ WikiMezmur ማኅበረሰብ የተገለበጠ ነው። የግጥሙ መብት የደራሲው ነው — የመብት ጥያቄ