በምርጫ ቀን
አማርኛ
ቁጥር 1 · Verse 1
አማራጭን ሁሉ በውሀ ላይ የጣለ
እግዚአብሔር ትዳሬ ኑሮዬ ነው ያለ
ምንጭ አይቶ ያልተጠጋ ለትርፍ ያላደረ
ይታያል ከፊቱ ለእውነት የኖረ
አዝማች · Chorus
በምርጫ ቀን በውሳኔ ቀን
ማን ምን እንደወሰነ የሚያይ እግዚአብሔር ይመስገን
ቁጥር 2 · Verse 2
የዕእማርን ብር ጀግኖች ሲፀየፉ
ሌሎች ግን በስውር በሀሰት ሲዘርፉ
ሰው በእግዚአብሔር ጊዜ የራሱን ቤት ሲያሳምር
አለ ከላይ የሚያይ ሁሉን ሚመረምር
ፍርስራሹን ጥሎ ማን ማን ኮበለለ
ማንስ በስፍራው ላይ በምድቡ አለ
ማን ወደእርሻ ገባ ማን ለወንጌል ቆመ
ማንስ ምን ዘረፈ ማንስ ምን ጠቀመ
አዝማች · Chorus
በስራ ቀን በቁርጥ ቀን
ማን የት እንደነበረ የሚያይ እግዚአብሔር ይመስገን
ቁጥር 3 · Verse 3
በአገልግሎት ጉዞ ማን ለስራ ወጣ
ማን በር አስከፈተ ብር ወርቅ ሊያመጣ
መሞታችን አይቀር ወይ መነጠቃችን
ያኔ ይከተለናል ስራ ተግባራችን
አዝማች · Chorus
በአገልግሎት ቀን በግብዣ ቀን
ማን ለምን እንደሄደ የሚያይ እግዚአብሔር ይመስገን
ቁጥር 4 · Verse 4
ማን ለቃልህ ጮኸ ማን ለአንደኝነት
ማን ለጥቅም አደረ ማን ተገፋ ለእውነት
ስም ይዞ ማን ተኛ ማን ሆነ እንደስሙ
ሁሉ በመክሊቱ አይቀር መገምገሙ
አዝማች · Chorus
በአመፅ ቀን በእውነት ቀን
ማን ምን እንዳገለገለ የሚያይ እግዚአብሔር ይመስገን
ቁጥር 5 · Verse 5
የገሌ ከእገሌ ይሻላል ይበልጣል
ያኛውም ከእዛኛው ተግቶ አገልግሏል
ብሎ ሰው ቢመዝን ፍፁም አይደል ውጤቱ
ግን አገዳ እና ወርቁን ያጣራል እሳቱ
አዝማች · Chorus
በፍርድ ቀን በእሳቱ ቀን
ለሁሉ እንደ ድካሙ የሚሰጥ እግዚአብሔር ይመስገን
ቁጥር 6 · Verse 6
ሺ ቢዘመርበት ፆም ፀሎት ቢገባ
ምን ቢነገርበት ቢባርኩት በእምባ
እንክርዳድ ተዘርቶ ስንዴ አይታጨድም
ዘር ላይ ነው መጠንቀቅ ያልተዘራ አይበቅልም
አዝማች · Chorus
ዝም ያልክ ቀን በትዝብት ቀን ማን ለምን እንደኖረ ምታይ ጌታዬ ተመስገን
ምንጭ፦ ግጥሙ በ WikiMezmur ማኅበረሰብ የተገለበጠ ነው። የግጥሙ መብት የደራሲው ነው — የመብት ጥያቄ