Addisu Worku/Yemesqelu Feqer/Kebur Kebur
2006 · ትራክ 1 · አማርኛ
ቁጥር 1 · Verse 1
ብዙ ሃያላን ነበሩ
በአምላኬ ላይ የተኩራሩ
ቅዱሱን ሀይል የተገዳደሩ
ያ ዝናቸው አምድ ለብሶ
ታሪካቸው ተቀልብሶ
አለ ጌታ በላያቸው ነግሶ
አዝማች · Chorus
ክቡር ክቡር ሃያል ክቡር
ለዘለዓለም የምትኖር
አምላካችን እግዚአብሔር (፪x)
ቁጥር 2 · Verse 2
ሃብታም በሃብቱ ይኮራል
ሃያል በኃይሉ ይመካል
ስልጣን ያለው ጭቁኑን ይንቃል
ነገር ግን ቅኑ ፈራጅ ከላይ
ተቀምጧል ከዙፋን ላይ
ክንደ ብርቱ ጻድቁ ኤልሻዳይ
አዝማች · Chorus
ክቡር ክቡር ሃያል ክቡር
ለዘለዓለም የምትኖር
አምላካችን እግዚአብሔር (፪x)
ቁጥር 3 · Verse 3
የመከራ ወንዝ ሲሞላ
የጐበዝ ወኔ ሲላላ
ማነው ጽኑ ከአምላካችን ሌላ
የፈረሰ ሕይወት ጠጋኝ
ሁሉ ሲክድ ቀሪ ታማኝ
እግዚአብሔር ነው ለዘለዓለም ታማኝ
አዝማች · Chorus
ክቡር ክቡር ሃያል ክቡር
ለዘለዓለም የምትኖር
አምላካችን እግዚአብሔር (፪x)
ቁጥር 4 · Verse 4
ለዛለው ምርኩዝ ደጋፊ
የደከመን አሳራፊ
ሁሉን ታጋሽ ፍፁም ልበ ሰፊ
የመሸበት አሳዳሪ
ለተጠቃ ተቆርቋሪ
እግዚአብሔር ነው ለዘለዓለም ነዋሪ
አዝማች · Chorus
ክቡር ክቡር ሃያል ክቡር
ለዘለዓለም የምትኖር
አምላካችን እግዚአብሔር (፫x)
ምንጭ፦ ግጥሙ በ WikiMezmur ማኅበረሰብ የተገለበጠ ነው። የግጥሙ መብት የደራሲው ነው — የመብት ጥያቄ