እስቲ ና
Esti Na
2006 · ትራክ 5 · 6:26 · አማርኛ
ቁጥር 1 · Verse 1
ሳይሳሱ ፍቅሩን ወግተው ውርደት አለበሱት
ስለፈወሳት ብለው ባፈቀረ ጠሉት
የደሃ አዛኝ የሆንከው አንተ ነህ ኢየሱስ
ይገባ ነበረ ወይ ለእኔ ያፈጉት ነፍስ
አዝማች · Chorus
የእግዚአብሔር በግ የሆንከው
ልቤን በፍቅርህ ያበስከው
ጓዴ ኢየሱስ እስቲ ና
የማዋይህ አለኝና (፪x)
ቁጥር 2 · Verse 2
አንተ ፍቅር ነህና ልትጠላኝ አቃተህ
ነፍሴን ከእሳት አወጣህ እራስህን ጐድተህ
የእኔ የሆነ ምን አለኝ እራሴም የአንተው ነኝ
ስለዚህ ጌታዬ ሆይ ደጋግመህ አድምጠኝ
አዝማች · Chorus
የእግዚአብሔር በግ የሆንከው
ልቤን በፍቅርህ ያበስከው
ጓዴ ኢየሱስ እስቲ ና
የማዋይህ አለኝና (፪x)
ቁጥር 3 · Verse 3
ኑሮዬና ተግባሬ ለእኔ ባይጥመኝም
ጠላቴ የወጋኝ ቢያደናቅፈኝም
አንድ ጊዜ ቆርጬ ተከትዬሃለሁ
ድካም እንኳን ቢያጠቃኝ እከተልሃለሁ
አዝማች · Chorus
የእግዚአብሔር በግ የሆንከው
ልቤን በፍቅርህ ያበስከው
ጓዴ ኢየሱስ እስቲ ና
የማዋይህ አለኝና (፪x)
ቁጥር 4 · Verse 4
ያ የምድር ጨለማ አይሎ እንዳይውጠኝ
መንፈስ ቅዱስ ጌታዬ ሳጠፋ ገስጸኝ
መንበርከክን ይወዳል ሥጋ ለዓለም ነገር
ጽናትህን እሻለሁ ከቶ እንዳልቀየር
አዝማች · Chorus
የእግዚአብሔር በግ የሆንከው
ልቤን በፍቅርህ ያበስከው
ጓዴ ኢየሱስ እስቲ ና
የማዋይህ አለኝና (፪x)
ምንጭ፦ ግጥሙ በ WikiMezmur ማኅበረሰብ የተገለበጠ ነው። የግጥሙ መብት የደራሲው ነው — የመብት ጥያቄ