ጌታ ኢየሱስ ትዝ አልከኝ
Gieta Eyesus Tez Alkegn
2006 · ትራክ 8 · 4:49 · አማርኛ
ቁጥር 1 · Verse 1
ስደክም እያደገፈ ስወድቅ አንስቶ
ከእኔ ጋራ ተርቦ ስጠማ ተጠምቶ
በስስታ እያየኝ ልጄ በርታ ሚለኝ
ያ መልካሙ ጌታ ኢየሱስ በጣሙ ናፈቀኝ
አዝማች · Chorus
ጌታ ኢየሱስ ትዝ አልከኝ ፤ ያደረክልኝ ውለታ
ከዳሁህ ተታልዬ ፤ ትቀበለኝ እንደው ወደ አንተ ልምጣ
ቁጥር 2 · Verse 2
ሌሎቹም ክርስቲያኖች ሄዱ በጣም ተጉ
በሕይወታቸው ግለው ወደ ድል ተጠጉ
ለዓለም አገልጋይ ሆኜ እኔ ግን ቀረኹኝ
ያችን ኢየሩሳሌምን ከሩቅ እያየሁኝ
አዝማች · Chorus
ጌታ ኢየሱስ ትዝ አልከኝ ፤ ያደረክልኝ ውለታ
ከዳሁህ ተታልዬ ፤ ትቀበለኝ እንደው ወደ አንተ ልምጣ
ቁጥር 3 · Verse 3
ሰላምህ ከእኔ ሸሽቶ ጭንቀቴ እየገነነ
ያመንኩት ሁሉ ከዳኝ የያዝኩት ተነነ
ነፍሴ እንደተጐዳች ወዜም እንዳበረ
ጌታዬን ባገኘው ኖሮ እነግረው ነበረ
ብዬ ገና ስናገር ፤ ናልኝ ልጄ ሲል ሰማሁት
በእግሩ ስር ተደፍቼ ፤ ቅዱስ ጌታዬን ወየሁ ማረኝ አልኩት
ያለፈው ትምህርት ሆኖኝ የዓለም ጉስቁልና
ጉልበቴን ላላስገዛ ለዓለም እንደገና
ቃል ገባሁኝ በእርሱ ፊት ዳግም ላልለየው
የእኔን ጉስቁልና ለአየ መቀጣጫ ይሁነው
ለአንተ እገዛለሁኝ ፤ አንተ ነህ የነፍሴ ጌታ
ብቸገር ብጐሳቆል ፤ እድሌ አንተ ነህ ያለኸኝ አለኝታ (፪x)
ምንጭ፦ ግጥሙ በ WikiMezmur ማኅበረሰብ የተገለበጠ ነው። የግጥሙ መብት የደራሲው ነው — የመብት ጥያቄ