አላውቅም
Alawkim
2018 · ትራክ 9 · 7:04 · አማርኛ
ቁጥር 1 · Verse 1
ከህግ በታች ያለን - በተጣለ ስጋ
እዳን የሚከፍል - የበቃን ፍለጋ
ማን ያድነን ብለን - ስንጠብቅ ተዓምር
ማህተሙን ፈቶ - በራሱ ሞት ‘ሚምር
አላውቅም - ከሰው በደል በላይ
አላውቅም - የሰው ድካም አሞት
አላውቅም - በፅድቅ ሆኖ ሳለ
አላውቅም - ለኃጥአን የሚሞት…
አዝማች · Chorus
ለካ ግን አለ - ስሙ ማይከስም
ሞቶ የተነሳ - ሰማሁ አንድ ስም
[ኢየሱስ … ኢየሱስ … ኢየሱስ … ኢየሱስ] 3x
ቁጥር 2 · Verse 2
ለገዛ ፍርዳቸው - ምትክ ልሁን ባለ
ለሚሳለቁበት - መስቀል ላይ እንዳለ
ላደረጉት ሁሉ - ምህረት የሚለምን
አንዱን ብቻ ሰምተን - እንዲህ የተገረምን
አላውቅም - እንዲህ ያለ ነገር
አላውቅም - ድንቅ የሆነ ወሬ
አላውቅም - በጆሮዬ አልገባም
አላውቅም - ነበር እስከዛሬ….
አዝማች · Chorus
ለካ ግን አለ - ባለይቅርታ
ሰማሁ አንድ ስም - እንዲ ያለ ጌታ….
[ኢየሱስ … ኢየሱስ … ኢየሱስ … ኢየሱስ] 3x
ቁጥር 3 · Verse 3
ድኩም መስሎ መምጣት - ታላቅ ክብሩን ትቶ
ክብርን ከጠገበ - አልጠብቅም ከቶ
እንዴት ያለ ንጉስ - እንዴት ያለ ኃያል
ሀይሉን በገዛ እጁ - ትቶ ፍዳን ያያል?
አላውቅም - በዙፋን ላይ ሳለ
አላውቅም - የደካማ ወዳጅ
አላውቅም - ክብሩን ትቶ ሚወርድ
አላውቅም - ያላንዳች አስገዳጅ....
አዝማች · Chorus
ለካ ግን አለ - ለኛ የሚገደው
አንድ ስም አለ - ፍርዱን የናደው...
[ኢየሱስ … ኢየሱስ … ኢየሱስ … ኢየሱስ] 3x
ምንጭ፦ ግጥሙ በ WikiMezmur ማኅበረሰብ የተገለበጠ ነው። የግጥሙ መብት የደራሲው ነው — የመብት ጥያቄ