የእንጨትነት ሕይወት
Yenchetinet Hiwot
2018 · ትራክ 3 · 5:32 · አማርኛ
ልፋ ያለው እንጨት - እድሉ የጠመመ
ባሬላ ተብሎ - እየተሰየመ
ያንን ኩንታል ድንጋይ - እየተሸከመ
-
ደግሞ ሌላው እንጨት - የ'ንጨት እድላሙ
መስቀል ነህ ተብሎ - ተሰይሞ ስሙ
አላፊ፣ አግዳሚ - እ'ሱን እንዲያስሙ
ቀሳውስትን ቀጥሮ - በተቀባ ስሙ
አንዱ የ'ንጨት ባሪያ - ሌላው የ'ንጨት ንጉስ
ይሄ መሬት ሲስም - ያንኛው ሲኮፈስ 2x
የተቀባው እንጨት - ካ'ናት ይሰቀላል
ሌላ ታናሽ ረግጦ - በእንጨት መሰላል
ካ'ናት ጋር እስኪደር - አንዱ ባ'ንዱ ልቆ
በእንጨት ገበያ - እንጨት በ'ንጨት ደምቆ
አንዱ የ'ንጨት ባሪያ - ሌላው የ'ንጨት ንጉስ
ይሄ መሬት ሲስም - ያንኛው ሲኮፈስ 2x
ቢያቃጥሉት አመድ - ቢቆርጡትም ጉቶ
ቢለበለብ ከሰል - ጉቶነቱን ትቶ
ለያይተነው እንጂ - ስሙን ሸልመነው
ከንቱ ተሰባሪ - እንጨት ያው እንጨት ነው
አንዱ የ'ንጨት ባሪያ - ሌላው የ'ንጨት ንጉስ
ይሄ መሬት ሲስም - ያንኛው ሲኮፈስ 2x
ምንም አንዱ ቢገን - ሌላው መሬት ቢልስ
መፈራት ያለበት - የ'ንጭቶቹ ጌታ - በ'ሳት የሚመልስ 2x
ምንጭ፦ ግጥሙ በ WikiMezmur ማኅበረሰብ የተገለበጠ ነው። የግጥሙ መብት የደራሲው ነው — የመብት ጥያቄ