አትመጣም ወዪ?
Atimetam Wey?
2018 · 7:33 · አማርኛ
ቁጥር 1 · Verse 1
አትመጣም ወዪ - ኧረ አትመጣም ወዪ
ዛሬም አሻቅበናል - ወደሰማዪ
አትመጣም ወዪ - ዉዴ መምጫህ ናፈቀን
የከለለህ ደመና - መልክህን ደበቀን!
ጥንት የተሰራው ስራ - ዛሬ የሆነ መስሎ
በፊታችን ትይዩ - መሰቀልህ ተስሎ
አንተን አንተን እያልን - ዛሬም እዛ’ው ቆመናል
ልክ እንደሄድከው ሁሉ - ብትመጣልን ምናል?
አዝማች · Chorus
አዝ
ቁጥር 2 · Verse 2
ዳግም መምጫህ ናፍቆናል - የፍጥረትህ ማረፊያ
ነፃ የምንወጣበት - ከአለም ትግል ልፊያ
እመጣለሁ እንዳልከን - እንደቃልህ ድንገት ና
በመምጣትህ ገላግለን - ካ’ለማዊ ፈተና!
አዝማች · Chorus
አዝ
ቁጥር 3 · Verse 3
የስጋ ኑሮ ታከተን - የእድሜ ሙሉ ድካም
በምናገኘው ሁሉ - ልባችን ከቶ አይረካም
ትናንት ቆመናል ባልነው - ዛሬ ጠልፎን ወድቀናል
ኢየሱስ ቶሎ ናልን - ሁሉ መልካም ይሆናል!
አዝማች · Chorus
አዝ
ቁጥር 4 · Verse 4
የኛን ጉጉት የሚያዩ - ጌታ በዚህ ነው ቢሉን
የመምጫህ ቁርጡን ጊዜ - አንድም ባናውቀው ውሉን
በከንቱ ጓዳ ሳይሆን - ዙሪያህ ሆኖ ደመና
አለምን ያናውጣል - የመመለስህ ዝና!
አዝማች · Chorus
አዝ
ምንጭ፦ ግጥሙ በ WikiMezmur ማኅበረሰብ የተገለበጠ ነው። የግጥሙ መብት የደራሲው ነው — የመብት ጥያቄ