ምስክር ነን እኛ!
Misikir Nen Egna!
2018 · ትራክ 11 · 4:52 · አማርኛ
ቁጥር 1 · Verse 1
በተጣለች አለም - መሃል የዘመትን
የምንለመልም - ዘዉትር እየሞትን
ትውልድን ለማትረፍ - ከዘላለም ቁጣ
የመዳንን ወንጌል - ይዘን የምንወጣ…
አዝማች · Chorus
(ምስክር ነን እኛ!) - [አዝ]
ቁጥር 2 · Verse 2
ጥበባችን ሁሉ - ሞኝነት ‘ሚመስል
የእግ’ዚአብሔርን ፍቅር - ለሰው የምንስል
ሲረግሙን መራቂ - ላሳዳጆች ፀላይ
መልካም የምንመኝ - ጠላቶቻችን ላይ…
አዝማች · Chorus
ምስክር ነን እኛ!
አዝ
ቁጥር 3 · Verse 3
ዋጋችን በሰማይ - ሀይላችን በፀሎት
ምንዳን የማንሻ - ለምድር አገልግሎት
ኢየሱስን ይዘን - የማናቀረቅር
መንገዳችን ቀና - እርምጃችን ፍቅር…
አዝማች · Chorus
ምስክር ነን እኛ!
አዝ
ቁጥር 4 · Verse 4
“የምን ደርሶ አዋቂ - የምን ደርሶ አቡን
አጉል ጠበቃዎች…” - ሲሉ ቢያዋክቡን
ቢያላጉን በጥፊ - ቢያዳፉን በጡጫ
በስል ምላሳቸው - ብንሆን ማላገጫ…
አዝማች · Chorus
ምስክር ነን እኛ!
አዝ
ቁጥር 5 · Verse 5
በሞት ጥላ ግርዶሽ - ተከበው ለኖሩ
ብቃት አጣን ብለው - አጋዥ ለሚጠሩ
የምስራች ይዘን - ለህዝቡ ወጥተናል
ዛሬም እንላለን - ኢየሱስ ያድናል!!
አዝማች · Chorus
(ኢየሱስ ያድናል)
ምንጭ፦ ግጥሙ በ WikiMezmur ማኅበረሰብ የተገለበጠ ነው። የግጥሙ መብት የደራሲው ነው — የመብት ጥያቄ