እግዚአብሔር አዋቂ ነው
Egziabhier Awaqi New
ትራክ 4 · አማርኛ
አዝማች · Chorus
እግዚአብሔር አዋቂ ነው አዋቂ ነው (፪x)
ስራችንን ይመዝናል ዋጋችንን ይተምናል
ከፋኝ ብለን አናጉረምርም ስለሁሉ እናመስግነው
ደላኝ ብለን አንታበይ እግዚአብሔር አዋቂ ነው
ቁጥር 1 · Verse 1
ቃልን ለመናገር አንደበት ቸኩሎ
ሲያነሳ ሲጥል ባልዋሉበት ውሎ
ለምን እናፍራለን በተናገርንበት
እርሱ ያደላድላል ሁሉንም ተውለት
ሃሰት ሲሆን እውነት ያልነው
ጸድቆ ሲገኝ የኮንነው
አንተ ያልነው ሲሆን አንቱ
ለእኛ ሚቀረን ትዝብቱ
አዝማች · Chorus
እግዚአብሔር አዋቂ ነው አዋቂ ነው (፪x)
ስራችንን ይመዝናል ዋጋችንን ይተምናል
ከፋኝ ብለን አናጉረምርም ስለሁሉ እናመስግነው
ደላኝ ብለን አንታበይ እግዚአብሔር አዋቂ ነው
ቁጥር 2 · Verse 2
ፍሬ የሌለባት የደረቀች ዛፍ
እያሉ ገረፏት ስታገድም ስታልፍ
ኋላም ሰባት ወልዳ ምስኪን መካኒቱ
የተባለው ሁሉ መና ሲሆን ከንቱ
ልዑል አምላክ ከፍ ሲያደርጋት
ቢንጠራሩ ላይደርሱባት
አዋቂ ነው እግዚአብሔር
ብላ ተቀኘች በመዝሙር
አዝማች · Chorus
እግዚአብሔር አዋቂ ነው አዋቂ ነው (፪x)
ስራችንን ይመዝናል ዋጋችንን ይተምናል
ከፋኝ ብለን አናጉረምርም ስለሁሉ እናመስግነው
ደላኝ ብለን አንታበይ እግዚአብሔር አዋቂ ነው
ቁጥር 3 · Verse 3
ፈተና በዝቶብን ብናዝን ብንከፋ
ቢወሳሰብብን ውሉ እስከሚጠፋ
ሚስጥሩ የአምላክ ነው ሁሉም ነገር በእጁ
የተገለጠው ግን ለእኛ ለልጆቹ
ሁሉን ሲያደርግ የለን በጐ
ሲያበጃጀው ውብ አድርጐ
እናያለን የእርሱን ማዳን
እንድንጸና ጌታ ይርዳን
አዝማች · Chorus
እግዚአብሔር አዋቂ ነው አዋቂ ነው (፪x)
ስራችንን ይመዝናል ዋጋችንን ይተምናል
ከፋኝ ብለን አናጉረምርም ስለሁሉ እናመስግነው
ደላኝ ብለን አንታበይ እግዚአብሔር አዋቂ ነው
ምንጭ፦ ግጥሙ በ WikiMezmur ማኅበረሰብ የተገለበጠ ነው። የግጥሙ መብት የደራሲው ነው — የመብት ጥያቄ