ሰው ከንቱ

ቁጥር 1 · Verse 1

እንገናኝ ነገ እንገናኝ ደህና

ዛሬን ለማደሩ መች አወቀውና

ሰው ከንቱ (፪x)

መንገዱን ሲያረዝም እቅዱን ሲያሰፋ

ዘንግቶት ይሆናል ታይቶ እንደሚጠፋ

ሰው ከንቱ (፪x)

ቁጥር 2 · Verse 2

ጀግና ወጥቶ ሲቀር ጐበዙ ሲቀጠፍ

ነገን እያሰቡ ከዛሬ አለማለፍ

ሰው ከንቱ (፪x)

ብዪ ጠጪ እያለ ነፍሱን ሲያዝናና

ሞት እንደ ደራሽ ወንዝ ድንገት ይመጣና

ሰው ከንቱ (፪x)

ቁጥር 3 · Verse 3

ይህ ለእኔ ያ ለእኔ እዚም እዚያም እኔ

ካለው ካገደመው ሲቅበዘበዝ ዓይኔ

ሰው ከንቱ (፪x)

የነገሌ የዘር ነኝ ሃብቴም እንዳፈር

ማንና ምን ይሆን አብሮኝ ሚቀበር

ሰው ከንቱ (፪x)

ቁጥር 4 · Verse 4

በውበት መመካት ዕውቀት አለኝ ማለት

ህልም ሆኖ ሊቀር ከአፈር የገቡ እለት

ሰው ከንቱ (፪x)

አስተዋይ ከዛሬ የነገን ይመርጣል

እግዚአብሔርን ማወቅ ከሁሉን ይበልጣል

ሰው ከንቱ (፪x)