እረግረጉ ደረቀ
Eregregu dereke
3:36 · አማርኛ
ቁጥር 1 · Verse 1
እግዚአብሄር ከእኔ ጋር ባይሆንማ ኖሮ
የጠላቴ ቁጣ በእኔ ላይ በርትቶ
በሕይወት ሳለሁኝ በዋጠኝ ነበረ
ታሪኬን ሊያስቀረው ያለ እንዳልነበረ
አዝማች · Chorus
ለጥርሱ ንክሻ አልተተውኩም
እንዳሰበው ክፉ አላገኘኝም
ለጥርሱ ንክሻ አልተተውኩም
እንዳሰበው ጠላት አላጠፋኝም
ቁጥር 2 · Verse 2
ጠላቴማ ሊለያየኝ ስንት ግዜ ሞከረ
ሊነጥለኝ ከሕይወት ስንት ግዜ ጣረ
ጌታ ጣልቃ እየገባ ምክሩን እያፈረሰ
የሸፈተው ልቤን ወደ እራሱ መለሰ
በጸሎቴ አለፍኩት አልልም ያንን ሁሉ ወጀብ
በጉልበቴስ መች በተንኩት አስፈሪውን አጀብ
በፅናቴ ተወጣሁት አልልም ያን ዳገት አቀበት
በብልጠቴስ መች ሾለኩኝ ከዚያ ሁሉ ወድቀት
አዝማች · Chorus
ጸጋህ ተትረፍርፎ ምሕረትህ በዝቶልኝ
የማልችለው ተቻለኝ ከባዱ ቀለለኝ
እረግረጉ ደረቀ ጎርባጣውም ቀና
ለዘመመው ማገሬ እንደገና ፀና
ቁጥር 3 · Verse 3
ሰባራውን ድልድይ እየገጠመ ጎርፉን እየገደበ
ስፍገመገም እጄን በእጁ ይዞ እኔን አሻገረ
በስሙ አለት ላይ አፀናኝና እንዳወራ የእርሱን ዝና
ዜማን እና ቅኔን አስታጠቀኝ ዘምርለታለሁ ገና
አዝማች · Chorus
አዜምለታለሁ ገና እቀኝለታለሁ ገና
እኖርለታለሁ ገና አገለግላለሁ ገና
ምንጭ፦ ግጥሙ በ WikiMezmur ማኅበረሰብ የተገለበጠ ነው። የግጥሙ መብት የደራሲው ነው — የመብት ጥያቄ