ወለል ያለ
Welel yale
7:18 · አማርኛ
ቁጥር 1 · Verse 1
ወገግታዬ ነው የማለዳ ጮራዬ
ከእርሱ የተነሳ በራ ጨለማዬ
ጣዕመ ቢስ ልሳኔን አንደበቴን በራ
ሕይወቴ ጨፍጋጋ እንዳይሆን መራራ
አመዴን አራግፎ ወዛም ያደረገኝ
በሰዎች ሁሉ ፊት በሞገስ አቆመኝ
ደብዛዛው መልኬ ደመቀ በስሙ
ጭንጋፉ ወዜ ተዋበ በደሙ
በድቅድቁ ለሊት በማይሸፈን ፊት
እንዳብለጨልጭ ጌታዬ ልክ እንደመስታወት
የፊቱ ብርሀን ፍንትው ያለ ጮራ
እየጨመረ መጣ በላዬ ላይ በራ
የፊቱ ብርሀን ወለል ያለ ጮራ
እየጨመረ መጣ በላዬ ላይ በራ
ቁጥር 2 · Verse 2
በራ በራ የሕይወቴ ጭጋግ ወገግ አለ በራ ፈካ /2
ቁጥር 3 · Verse 3
በቀን ከሚበረው አስደንጋጭ ፍላፃ
ነፍሴ እርፍ አለች በአንተ ወጥታ ነፃ
የቀትሩ ጋኔል እንዳያስፈራራኝ
መቅሰፍት ወደቤቴ እንዳይገባ ጋረደኝ
መላዕክቱን ሰለ እኔ እያዘዛቸው
እንዳልሰናከል ያዙኝ በእጆቻቸው
የኩላ እና እባቡን እረጋግጬ
ድል አድራጊ ሆንኩ በኢየሱስ
ወጥመዱን አምልጬ
በባላንጣዬ ፊት ራሴን ቀብቶታል
ያስፈራኝ ጠላቴ በተራው ፈርቶኛል
አዝማች · Chorus
ፀና ፀና የሕይወቴ ካስማ አለቱ ላይ ፀና /2
ቁጥር 4 · Verse 4
ማረፊያዬ ነው የቀትር ጥላዬ
ከእርሱ የተነሳ ፈርቶኛል ጠላቴ
ምን ይዋጠኝ ብዬ ለነገ እንዳልሰጋ
ጽኑ የተስፋ ቃል እኔ አለኝ እርሱ ጋር
በእጄ የያዝኩት ቢወድቅ ቢናድ የካብኩት
ኢየሱስ ስላለኝ አልርበተበትም
በትርህ ምርኩዜ ለሽምግልናዬ
ቀሪ ሀብቴ ነው ቢጎብጥ ጀርባዬ
እስከ ሽበቴ ይሸከመኛል
የማታ የማታ መጦሪያ ኢየሱስ ይሆነኛል
ቸርነት ምሕረቱ ሁሌ ይከተሉኛል
ዘላለም በቤቱ አዝልቆ ይኖረኛል
አዝማች · Chorus
ፀና ፀና የሕይወቴ ካስማ አለቱ ላይ ፀና /2
ቁጥር 5 · Verse 5
ትሩፋቴ ነው የማታ እንጀራዬ
ከእርሱ የተነሳ ያምራል እርጅናዬ
ምንጭ፦ ግጥሙ በ WikiMezmur ማኅበረሰብ የተገለበጠ ነው። የግጥሙ መብት የደራሲው ነው — የመብት ጥያቄ