ምትኬ
Mitike
6:49 · አማርኛ
ቁጥር 1 · Verse 1
ቀረብኩ ከችሎት ከፍርድ አደባባይ
ሊገለጥ ሊነገር ታሪኬ እንዲታይ
ብዙ ነው በደሌ ዶሴ ሲወሳ
በነፃ እንድለቀቅ ያሻል የደም ካሳ
በድንገት አንድ ድምጽ ተሰማ ከሰማይ
አገኘዋለው ባይ ስለእኔ ተወካይ
የስራዬ ዋጋ ነበር የሞት ቅጣት
ምትኬ ሆነልኝ በእኔ ፈንታ ሊሞት
በበደል በኃጥያቴ ሙታን የነበርኩኝ
ለዚህ አለም ገዢ የተንበረከኩኝ
የስጋን ምኞቴን ሁሌ የምሰማ
የቁጣ ልጅ ነበርኩ ምኖር በጨለማ
ነገር ግን እግዚአብሄር ምሕረቱ የበዛ
አንድ ልጁን ሰጠኝ እንዲሆነኝ ቤዛ
ክርስቶስን ሳምን ስለው ቤዛ አዳኜ
ተወለድኩ በዚያን ቀን አዲስ ፍጥረት ሆኜ
አዝማች · Chorus
ትቼ የመጣሁትን አለም
ላልመለስበት በምንም
ቆርጫለሁ ልከተልህ ኢየሱሴ
በላዬ ልሾምህ ላደርግህ ንጉሴ
ቁጥር 2 · Verse 2
የወደድኳት አለም ያሞካሸኋት
መልሳ ላትበጀኝ ስትነዳኝ ወደ ሞት
እያሳሳቀችኝ አለሁኝ እያለች
ነፍሴን ልታጠፋ በብርቱ ቸኮለች
ሞት እንደሰነቀች ሳይገባኝ ሚስጥሯ
ቀርቤ ሳለሁኝ ለክፉ ወጥመዷ
የአዳኙ ጥሪ ተሰማኝ ከሩቁ
የምሕረት እጆቹ ነፍሴን ተናጠቁ
አዝማች · Chorus
ትቼ የመጣሁትን አለም
ላልመለስበት በምንም
ቆርጫለሁ ልከተልህ ኢየሱሴ
በላዬ ልሾምህ ላደርግህ ንጉሴ
ቁጥር 3 · Verse 3
አይወዳደርም የሰጠኝ ፍቅር
በዚህ አለም ክብር
አይነፃፀርም የሰጠኝ ሕይወት
በዚህ አለም ውበት
አይወዳደርም የሰጠኝ ፀጋ
በዚህ አለም ዋጋ
አይነፃፀርም የሰጠኝ ደስታ
በዚህ አለም ሁካታ
ቁጥር 4 · Verse 4
በቃ ተለውጫለሁ ልቤን ሰጥቼሀለሁ
ግባ የክብሬ ንጉስ አንተ ሁን የቤቴ ራስ/2
ዕርግማኔን ሁሉ በመስቀል ቸንክሮ
በነጻ ለቀቀኝ ወጥመዴን ሰባብሮ
የሞት ፍርሀት ጫናው ከኔ ላይ ወደቀ
ጠላቴ ላይከሰኝ ነፍሴን አፀደቀ
እኔ የእኔ አይደለሁም ሞቻለሁ ለእራሴ
በቀራንዮ መስቀል በሞቱ አብሬ
በተሻለው ኪዳን በትንሳዔው ጉልበት
ኑሮ ጀምሬያለሁ ሆኜ አዲስ ፍጥረት
አዝማች · Chorus
ትቼ የመጣሁትን አለም
ላልመለስበት በምንም
ቆርጫለሁ ልከተልህ ኢየሱሴ
በላዬ ልሾምህ ላደርግህ ንጉሴ
ምንጭ፦ ግጥሙ በ WikiMezmur ማኅበረሰብ የተገለበጠ ነው። የግጥሙ መብት የደራሲው ነው — የመብት ጥያቄ