ሞት ሆይ
Mot hoy
4:17 · አማርኛ
ቁጥር 1 · Verse 1
ወጥመዱን ዘርግቶ ነፍሳትን ሲጠልፍ
የሰውን ልጅ በሙሉ በሀጥያት ሲነድፍ
ሲፎክር ሲዘብት ማን አለብኝ ብሎ
ዲያብሎስ ወደቀ ዛሬ ድል ተነስቶ
ወደ ሲዖል ወርዶ መንጋጋው ፈልቅቆ
ነፍሳትን አዳነ ኢየሱስ ተናጥቆ
የሞት ፍርሀት ቀንበር ቆሌው ተገፈፈ
በቃ አለቀለት ሰይጣን ተሸነፈ
አዝማች · Chorus
ሞት ሆይ የታለ ማሰሪያህ
ሲዖል ሆይ የታለ መውጊያህ
ሞት ሆይ የታል ጩኸትህ
ሲዖል ሆይ የታለ ቀስትህ
ይሄ ሁሉ ክብር ይሄ ሁሉ ዝና(*2) ኦኦ ዝና
ተገብቶሀልና ጌታ አንተ ነህ ገናና ገና ኦኦ ገና
ቁጥር 2 · Verse 2
ሞትን ድል የነሳ
የይሁድ አንበሳ
ሞትን ያሸነፈው
ክብር የተረፈው
እንግዲህ የአዳም ዘር ትንሳኤ ሆነለት
በኢየሱስ መሞት ሞት ተሸነፈለት
ምድር እልል ትበል ጌታዋ ተነስቷል
በትንሳኤው ጉልበት መዳን መጥቶላታል
በመከራው ብዛት በጭንቅ በፍዳው
ለኔ ለአንቺ ለአንተ ነው እንዲህ የተጎዳው
በእርሱ ያመነ ማንም እንዳይጠፋ
አንድያ ልጁ ነው የእግዚአብሔር ስጦታ
አዝማች · Chorus
ሞት ሆይ የታል ማሰሪያህ
ሲዖል ሆይ የታለ መውጊያህ
ሞት ሆይ የታል ጩኸትህ
ሲዖል ሆይ የታለ ቀስትህ
ጩኸት ማስፈራራት ዋይታና ሁካታ ኦኦ ሁካታ
ሞትን ድል በነሳ በጌቶቹ ጌታ ጌታ ኦኦ ጌታ
ቁጥር 3 · Verse 3
ፀጥ አለ ድንፋታው
ሽለላው ፉከራው
ስልጣኑን ገፈፈው
ሞትን ያሸነፈው
ምንጭ፦ ግጥሙ በ WikiMezmur ማኅበረሰብ የተገለበጠ ነው። የግጥሙ መብት የደራሲው ነው — የመብት ጥያቄ