ለካ ያየኛል
Leka yayegnal
4:56 · አማርኛ
ቁጥር 1 · Verse 1
ጭው ባለው ምድረበዳ ምንም በሌለበት ውሀ
ባዶ ሆኖ ምንጩ ደርቆ በእጄ የያዝኩት ሁሉ አልቆ
አይኔን ባቀና ወደላይ ስመለክት ወደሰማይ
በተስፋ ተሞላ ልቤ ያየኝን ሳይ አሻቅቤ
አዝማች · Chorus
ለካ ያየኛል ኢየሱስ ለካ
ይመለከተኛል ለካ
አይቶ ሰምቶ የሚራራ
አለ ከእኔ ጋራ
ቁጥር 2 · Verse 2
ቃልኪዳኑን የማይረሳ የወደቀን የሚያነሳ
አለን በሰማይ ሊቀ ካህን በድካማችን የሚራራልን
እንዳየ እንደሰማ የማይፈርድ ሀብታም ድሀን እኩል የሚወድ
ፊት አይቶ ፍርድ የማያደላ ለጨነቀው የሚሆን ከለላ
አዝማች · Chorus
ለካ ያየኛል ኢየሱስ ለካ
ይመለከተኛል ለካ
አይቶ ሰምቶ የሚራራ
አለ ከእኔ ጋራ
ቁጥር 3 · Verse 3
ጉደለቴን ሳየው ባዶነቴን ይሰብከኛል አወይ ውድቀቴን
እዬዬ እላለሁ እጮሀለሁ የሚረዳ አምላክ እንደሌለው
ሰማይ እና ምድርን የፈጠረ ጌታ አይኔ ተከፍቶ ሳይ አለ በዚህ ቦታ/2
አዝማች · Chorus
ለካ ያየኛል ኢየሱስ ለካ
ይመለከተኛል ለካ
አይቶ ሰምቶ የሚራራ
አለ ከእኔ ጋራ
ቁጥር 4 · Verse 4
አቤቱ በስምህ ታመንኩ ለዘላለም
ጥላዬ ነህና ከእንግዲህ አልፈራም
ከማህፀን ጀምሮ የያዙኝ እጆችህ
እግሮቼን አጸኑ እነዚያ ክንዶችህ
ከአመጸኛው ጡንቻ ከአስፈሪው እርግጫ
ነፍሴን አስጥለሀል ከሚወጠኝ ጉድጓድ
ዘመኑን እያየሁ ስለምን ልጨነቅ
አንተን እየጠራሁ አመልጣለሁ ከጭንቅ
ምንጭ፦ ግጥሙ በ WikiMezmur ማኅበረሰብ የተገለበጠ ነው። የግጥሙ መብት የደራሲው ነው — የመብት ጥያቄ