ከማየው በዓይኔ
Kemayew Beayne
ትራክ 4 · 8:07 · አማርኛ
ቁጥር 1 · Verse 1
ጓደኛዬ ያልኩህ ወዳጄ
አግኝቼ ማልጠግብህ ናፍቆቴ
ልቤ ያማትራል ዛሬም ፊትህን ሊያይ
ሊያገኝህ ሽቶ ከምንም በላይ (x፪)
አዝማች · Chorus
ከምንም በላይ፤ ከምንም በላይ
ከማንም በላይ፤ ከማንም በላይ (x፪)
ቁጥር 2 · Verse 2
ከማየው ከማየው በዓይኔ ግልፅ ሆነህ ታየኝ
ከምሰማው ከዓለም ወሬ ያንተ ይሰማኝ (x፪)
ቁጥር 3 · Verse 3
አትኩሬ እስካይህ ከማየው በላይ በአይኖቼ
ይህን ዓለም እስክክደው ይወሰድ በአንተ ሀሳቤ
ጆሮዬን አስለምደው ድምፅህን ለይቶ መስማት
ከጩኸት ግርግር ከጫጫታው መሃል
የሚያውቁትን ሰው ከሩቅ እንደሚለዩ
ጠረንህ ይታወቀኝ ገና ከሩቁ
ሌላ እስካላይ ድቅን እያልክብኝ
በመንፈስህ ሁሌ አረስርሰኝ (x፪)
ቁጥር 4 · Verse 4
በእንብርክክ ፀሎቴ በእልፍኜም ውስጥ ሆኜ
አጫውተኝ የልብህን ልወቀው መንገድህን
ስራመድ በመንገድ በዕለት ዕለት ኑሮዬ
ቅርብ ሁነኝ ከሰው ይልቅ ልወቅህ ኢየሱስ
እስከዛሬ የሰው ነገር እየሰማሁ ሰንብቻለሁ
አሁን አንተን እንድሰማ እንዳውቅህ ናፍቄአለሁ
አውራኝ በኔ ልክ በኔ ቋንቋ
ከስጋዬ ይልቅ መንፈሴን አንቃ (x፪)
ቁጥር 5 · Verse 5
በድቅድቅ ጨለማ በሞት ጥላ ስር ሆኜ
ክፉውን አልፈራውም ካልከኝ ካንተ ጋር ነኝ
ጨለማዬም ባይበራ ጎኔ ቆመህ ካየሁህ
አምናለሁ ከሁኔታዬ አንተ ያልከኝን
ይታመን የለም ወይ የሰው እንኳን ቃሉ
ፍፁም አልጠርጥርህም እኔ አንተን ከሰማሁ
አንድ ነብስ እንኳን አትጠፋም ብለህ
በስብርባሪም ድኖ የል ሰምቶ ያመነህ (x፪)
አዝማች · Chorus
ካየውህ (ካየውህ)
ከሰማውህ (ከሰማውህ)
ህይወት አለኝ አዎ እኖራለሁ (x፬)
ካየውህ (ካየውህ)
ከሰማውህ (ከሰማውህ)
ህይወት አለኝ አዎ እኖራለሁ (x፬)
ምንጭ፦ ግጥሙ በ WikiMezmur ማኅበረሰብ የተገለበጠ ነው። የግጥሙ መብት የደራሲው ነው — የመብት ጥያቄ